Bu şəxslər üçün gün eynəyi taxmaq TƏHLÜKƏLİDİR

Digərləri 07 İyl 2025 03:03:00 91 0

Gün eynəkləri təkcə dəbli aksesuar deyil, həm də gözləri zərərli ultrabənövşəyi (UV) şüalardan qorumaqda vacib rol oynayır. Amma alimlərin fikrincə, bəzi hallarda onları taxmamaq daha faydalı ola bilər.

Alimlər nə deyirlər?

"Gün eynəkləri faydalı UVB şüalarını da bloklaya bilər, bu isə vitamin D sintezinin qarşısını alır". Vitamin D - təkcə sümük sağlamlığı üçün deyil, həm də immunitetin tənzimlənməsi, beyin funksiyası, əhvalın yaxşılaşması və xroniki xəstəliklərin profilaktikası üçün həyati əhəmiyyət daşıyır.

Günəş eynəyini nə zaman taxmamaq olar?

Alimlər eynəklərdən tam imtina etməyi tövsiyə etmirlər, amma bəzi hallarda onları çıxarmağın faydalı ola biləcəyini qeyd edirlər:

1. Səhər günəşi və bioloji ritmlər

Yuxudan sonra günə 10-30 dəqiqə birbaşa günəş işığı ilə başlamaq:

enerji və əhvalı artırır

diqqət və idrak funksiyalarını yaxşılaşdırır

yuxunun keyfiyyətini artırır

Pəncərə arxasında oturmaq bu təsiri vermir - birbaşa günəş işığı lazımdır.

2. Gözlərin təbii işığa adaptasiyası

Daim gün eynəyi taxmaq gözlərin müxtəlif işıq şərtlərinə uyğunlaşma qabiliyyətini zəiflədir. Bu, vizual diskomforta və daha pis görməyə səbəb ola bilər

3. Vitamin D sintezi

UVB şüaları dərimizə və gözlərimizə düşdükdə vitamin D istehsal olunur. Xüsusilə yaydan kənar mövsümlərdə gün işığı az olduğu üçün vitamin D çatışmazlığı riski artır. Bu çatışmazlıq tənəffüs xəstəlikləri, 2-ci tip diabet və əzələ-sümük problemləri ilə əlaqələndirilir

Niyə vitamin D vacibdir?

Böyük Britaniyanın NHS (Milli Səhiyyə Xidməti) məlumatına görə:

Kalsium və fosfat səviyyəsinin tənzimlənməsində mühüm rol oynayır

Sümük və dişlərin sağlamlığını qoruyur

Defisit olduqda:

uşaqlarda raxit

böyüklərdə osteomalasiya (sümük yumşalması) baş verir

Nəticə

Gün eynəkləri zərərli UV şüalarından qoruyur, amma bəzən faydalı UVB şüalarını da bloklayaraq vitamin D sintezini ləngidir. Hər gün qısa müddət ərzində, xüsusilə səhərlər günəş işığını eynəksiz qəbul etmək tövsiyə olunur. Ancaq günorta saatlarında, göz xəstəlikləri riski olanlar və güclü UV indeksi olan bölgələrdə yaşayanlar üçün gün eynəyi vacib qoruyucudur. // Lent.az