Son.az xəbər verir ki, Xankəndində canlanma da elə axşam saatlarından başlayır...  Bu saatlarda burda olmaq, bu doğmalığı hiss eləmək tam başqa bir hissdir. 

Bu saatlarda işdən çıxanlar tələsmir, yavaş addımların  hər birində günün zəhməti, alnın təri, bir də sabahın ümidi var. Yol boyu verilən salamlar isə bir-birlərinə dayaq olmağın ifadəsidir.... Şəhərin mərkəzi bu saatlarda daha da canlanır. Bir az kənarda isə xankəndi sakinləri bir biri ilə xatirələrini bölüşür, beləcə keçmiş yavaşca bu günə qarışır. Qalan isə çox güman ki, xoş xatirələrdir...  Hava tam qaralıb. Gənclərin səsi daha gur eşidilir... Universitet yataqxanasının pəncərələrindən süzülən işıq həyətə düşür. Kənddən, rayondan, şəhərdən gələnlər burada bir həyətin adamına çevrilib...  Yavaş-yavaş vitrinlər sönür, qapılar bağlanır. İşini bitirib evə gedənlərlə yanaşı,  gecə növbəsinə başlayanlar, çörək bişirənlər var...  Şəhər sakit görünə bilər. Amma bu sakitliyin içində hərəkətdə olan insanlar var. Onlardan biri də sükan arxasında gecəni-gündüzə qatan taksi sürücüləridir. Elə həmin sürücülərdən biri ilə söhbətləşirik. Bir ildir ki, bu küçələrdə yol gedir, insanları ünvanına çatdırır.  Xankəndində gəzəndə müxtəlif insanlarla danışdıq. Eyni sualı verdik, hərə fərqli cümlə qurdu amma eyni hissləri bölüşdü. İllər sonra bu şəhərdə həyat var...    Kimisi illərlə həsrətində olub, kimisi təzəcə gəlib, amma hamısı eyni duyğunu paylaşır: buranı görmək, burada olmaq bir sevinc, bir qayıdış, bir bütövlükdür. Şəhər təkcə məkan deyil, doğmalıq, qürur və illərin gözləntisinin gerçəkləşdiyi yerdir. Şəhəri bərpa eliyən təkcə onun binaları olmur. Şəhər o zaman bərpa olunur ki, orda hər axşam çörək alıb evinı tələsənlər var, səhər işə gedənlər var, universitetində təhsil alan tələbələri var, ən əsası gələcəkdən danışanlar var. Bugün xankəndində gördüyümüz ən vacib şey orada olan insan axını idi. Çünki şəhəri isidən təkcə onun daşı divarı, havası, suyu olmur. Şəhəri isidən onun doğma insanlarının, əzəli sahiblərinin nəfəsi olur. Odur ki, qarabağ həmişə bu cür işıqlı və isti qalacaq. Ictimai TV-nin "Xəbərimiz var" proqramında Xankəndidədən hazırlanan reportajı təqdim edirik.