Bu gün Qoç bürcləri üçün liderlik enerjisi xüsusilə güclüdür. Hər hansı məsələni irəli aparmaq, qərar vermək və ya bir problemi həll etmək üçün yaxşı zamandır. İşdə gözlənilməz vəziyyət yarana bilər və burada soyuqqanlı davranış sizə üstünlük qazandıracaq. Sevgi həyatında tək olan Qoçlar maraqlı, diqqət çəkici bir mesaj ala bilər. Maliyyə tərəfdən isə ani xərclərə ehtiyatla yanaşmaq məsləhətdir, çünki impulsiv qərarlar sonradan peşmanlıq yarada bilər. Günün sonunda yorğunluq və baş gərginliyi hiss oluna bilər, dincəlməyə ehtiyac var.

Buğa bürcləri üçün gün daha sakit və stabil keçir. Gündəlik işlərinizi rahatlıqla idarə edə və uzun müddətdir ertələdiyiniz məsələləri yoluna qoya bilərsiniz. Uzaqdan gələn bir xəbər planlarınızı dəyişdirə bilər. Münasibətlərdə qarşı tərəfdən anlayış gözləyirsiniz və bu gün bu anlayışı almaq ehtimalınız yüksəkdir. Ev və ailə ilə bağlı kiçik xərclər arta bilər. Hava dəyişikliyi səbəbilə enerji düşməsi hiss oluna bilər.

Əkizlər üçün bu gün sürətli və dəyişkən enerjilər hakimdir. Bir neçə mövzu arasında seçim etməli ola bilərsiniz. Düşüncələr çoxaldıqca qərar vermək bir qədər çətinləşə bilər. Köhnə bir məsələ yenidən ortaya çıxıb diqqətinizi tələb edə bilər. Pul məsələlərində dəqiqlik vacibdir - hesablarda səhv etmə ehtimalınız var. Sinir sistemi yorğun hiss oluna bilər, ona görə də günün ikinci yarısında sakitlik axtarmaq sizin üçün yaxşı olacaq.

Xərçəng bürcləri gün boyu daha həssas və emosional ola bilər. Ailə ilə bağlı məsələlər diqqət mərkəzindədir və ailə üzvlərindən biri ilə vacib söhbət gündəmə gələ bilər. Sevgi həyatında gözlədiyiniz bir davranış və ya jest bu gün reallaşa bilər ki, bu da sizi sevindirəcək. Maliyyə sahəsində evlə bağlı xərclər arta bilər. Mədə həssaslığı səbəbilə yüngül qidalanmaq tövsiyə olunur.

Şir bürcləri bu gün özlərini daha enerjili və yaradıcı hiss edəcək. Danışıqlar, görüşlər, təqdimatlar üçün əlverişli gündür və özünüzü yaxşı ifadə edə biləcəksiniz. Sevgi həyatında romantik bir addım atmaq münasibətə müsbət təsir göstərə bilər. Maliyyə mövzularında gəlir artışı və ya yeni qazanc ideyaları gündəmdə ola bilər. Boyun və kürək nahiyəsində gərginlik hiss oluna bilər, qısa istirahət faydalıdır.

Qız bürcləri üçün gün səliqə, təmizlik və planlama enerjisi ilə keçir. Unutduğunuz bir məsələ özünü xatırlada bilər və bunu həll etmək üçün yaxşı gündür. Sevgidə hər şeyi analiz etməyə çalışmağınız sizi yora bilər - emosiyaları bir az axışına buraxmaq münasibətə yaxşı təsir göstərəcək. Pul məsələlərində xərcləri nizamlamaq üçün uyğun zamandır. Baş ağrısı və gərginlik ehtimalı ola bilər.

Tərəzi bürcləri üçün gün sosial enerjinin yüksək olduğu zamandır. Yeni insanlarla tanışlıq və ya mövcud əlaqələrin güclənməsi mümkündür. Münasibətlərdə harmoniya yaranır və anlaşılmazlıqlar öz-özünə həll edilə bilər. Maliyyədə rahatladıcı bir ödəniş etmək mümkündür. Göz yorğunluğu ola bilər - ekran qarşısında uzun qalmaqdan çəkinmək yaxşıdır.

Əqrəblər üçün bu gün intuisiyanın çox güclü olduğu gündür. Gizli qalan bəzi məlumatlar üzə çıxa və ya bir insanın niyyəti daha aydın görünə bilər. Sevgi həyatında partnyorla dərin, səmimi bir söhbət münasibəti möhkəmləndirəcək. Maliyyə planlarını yenidən gözdən keçirmək üçün yaxşı zamandır. Enerji dalğalanmaları ola bilər, bəzən çox enerjili, bəzən yorğun hiss edə bilərsiniz.

Oxatanlar üçün motivasiya yüksəkdir. Səyahət, təhsil, gələcək planları ilə bağlı addımlar atmaq uğurlu ola bilər. Sevgi həyatında yeni tanışlıqlar mümkündür, xüsusən də sosial mühitdə. Maliyyədə qəfil bir xərclə qarşılaşa bilərsiniz, lakin bu sizi çox narahat etməyəcək. Sağlamlıqda enerjiniz yüksəkdir, aktivlik günə yaxşı təsir edəcək.

Oğlaq bürcləri üçün məsuliyyətlər artsa da, idarə etmək çətin olmayacaq. İşdə nüfuzun artması mümkündür, dediyiniz sözlər daha çox dəyər qazanır. Sevgi həyatında sakit, stabil enerji üstünlük təşkil edir. Maliyyədə isə gəlirlə bağlı yaxşı xəbər alma ehtimalınız var. Sümüklər və oynaqlara diqqət etmək lazımdır - soyuq havada ehtiyatlı olun.

Dolça bürcləri üçün yaradıcı ideyalar çoxalır. Yeni layihələrə başlamaq və ya fərqli sahələrə yönəlmək üçün yaxşı gündür. Sevgi həyatında gözlənilməz bir açıqlama və ya xəbər sizi təəccübləndirə bilər. Maliyyə tərəfdən qəfil gəlir və ya dəstək ala bilərsiniz. Sinir sistemi həssaslaşa bilər, buna görə günün bir hissəsini istirahətə ayırmaq yaxşı olar.

Balıq bürcləri üçün gün həm emosional, həm də yaradıcı baxımdan güclüdür. İşdə ilham verici bir fikir ortaya çıxar və bu, gələcək uğurların başlanğıcı ola bilər. Sevgi həyatında romantika artır, hisslər daha dərindir. Pul məsələlərində nəzarətsiz xərclərdən qaçmaq lazımdır. İsti duş və rahatlıq verən fəaliyyətlər sağlamlıq baxımından müsbət təsir edəcək. Lalə Qüdrətova Son.az