Hansı hallarda şəxsə təyin edilmiş cəzadan daha yüngül cəza təyin edilə bilər?


Digərləri 19 May 2025 22:34:00 79 0

Hansı hallarda şəxsə təyin edilmiş cəzadan daha yüngül cəza təyin edilə bilər?

Azərbaycan Respublikasının Ali Məhkəməsi vahid məhkəmə təcrübəsinin formalaşdırılması istiqamətində konkret iş üzrə qəbul etdiyi qərarında aşağı instansiya məhkəmələri tərəfindən Cinayət Məcəlləsinin 62-ci (Cinayətə görə müəyyən edilmiş cəzadan daha yüngül cəza təyin edilməsi) maddəsinin tətbiq edilə biləcəyi halları açıqlayıb. 

Son.az xəbər verir ki, Ali Məhkəmənin Cinayət kollegiyası hesab edib ki, şəxsə onun təqsirli bilindiyi maddənin və ya maddələrin sanksiyasında nəzərdə tutulmuş cəzanın aşağı həddindən də az cəza təyin edən məhkəmə yekun məhkəmə aktında CPM-in 139.0.5-ci (cinayət qanunu ilə nəzərdə tutulmuş cəzanı yüngülləşdirən və ağırlaşdıran hallar) maddəsinin tələbinə uyğun olaraq müvafiq sübutlarla təsdiq olunan və baxdığı iş üzrə təqsirləndirilən şəxsin törətdiyi əməllərə və onun şəxsiyyətinə və ailə vəziyyətinə münasibətdə müstəsna xarakter daşıyan halları müəyyən edərək onlara, habelə CM-in 62-ci maddəsinə istinad etməli və bu nəticəni qanuna müvafiq qaydada əsaslandırmalıdır. 

Bunu həm cinayət qanunvericiliyin yuxarıda göstərilən normaları və CM-in 62-ci maddəsinin müddəaları, habelə Azərbaycan Respublikası Konstitusiya Məhkəməsi və Ali Məhkəməsi Plenumlarının hüquqi mövqeləri tələb edir. Belə ki, CM-in 62.1-ci maddəsinə görə, cinayətin məqsədi və motivi, təqsirkarın cinayətin törədilməsində rolu, cinayətin törədilməsi zamanı və bundan sonra onun davranışı ilə bağlı müstəsna hallar, habelə cinayətin ictimai təhlükəliliyini əhəmiyyətli dərəcədə azaldan başqa hallar olduqda, eləcə də iştirakçılıqla törədilmiş cinayətin iştirakçısı həmin cinayətin açılmasına fəal kömək etdikdə, bu Məcəllənin Xüsusi hissəsinin müvafiq maddəsində müəyyən edilmiş aşağı həddən də az cəza təyin edilə bilər və ya məhkəmə həmin maddədə müəyyən ediləndən daha yüngül cəza növü təyin edə bilər, yaxud təyin edilməsi məcburi olan əlavə cəzanı təyin etməyə bilər.CM-in 62.2-ci maddəsinə əsasən, cəzanı yüngülləşdirən həm ayrı-ayrı hallar, həmdə bu cür halların məcmusu müstəsna hal hesab edilə bilər. Göründüyü kimi, qanunverici cinayətə görə müəyyən edilmiş cəzadan daha yüngül cəzanın təyin edilməsini mümkün edən əsaslar olaraq aşağıdakıları göstərir:

-cinayətin məqsədi və motivi, təqsirkarın cinayətin törədilməsində rolu, 

-cinayətin törədilməsi zamanı və bundan sonra onun davranışı ilə bağlı müstəsna hallar;

- cinayətin ictimai təhlükəliliyini əhəmiyyətli dərəcədə azaldan başqa hallar;

- iştirakçılıqla törədilmiş cinayətin iştirakçısının həmin cinayətin açılmasına fəal kömək etməsi. 

Birinci iki qrupu birləşdirən ümumi cəhət odur ki, həmin hallar törədilmiş cinayətin ictimai təhlükəliliyi ilə bağlı olub onu əhəmiyyətli dərəcədə azaltmalıdır. Üçüncünü ilk iki qrupdan fərqləndirən cəhət isə odur ki, həmin hal cinayətin ictimai təhlükəliliyinə təsir göstərən əsas kimi deyil, təqsirkarı səciyyələndirən (cinayətin digər iştirakçılarından müsbət mənada fərqləndirməklə onun ictimai-təhlükəliliyini azaldan) hal kimi çıxış edir. 

CM-in 62.2-ci maddəsində təsbit olunmuş müddəaya gəldikdə isə, həmin norma CM-in 62.1-ci maddəsinə münasibətdə köməkçi (izahedici) xarakter daşıyır. Sözügedən normanın köməkçi xarakteri ondan irəli gəlir ki, CM-in 62.2-ci maddəsi cinayətə görə müəyyən edilmiş cəzadan daha yüngül cəzanın təyin edilməsi institutunun tətbiq edilməsini mümkün edən müstəqil əsasları təsbit etmir. CM-in 62.1-ci maddəsi isə, əksinə, hansı halların CM-in 62-ci maddəsinin tətbiqini şərtləndirən əsaslar kimi çıxış etdiyini göstərir, onların təxmini dairəsini müəyyənləşdirir. 

Həmçinin məhkəmə kollegiyası qeyd edib ki, CM-in 62.1 və 62.2-ci maddələrinin mənasına görə cəzanı yüngülləşdirən ayrı-ayrı hallar və yaxud onların məcmusu özü-özlüyündə deyil, yalnız cinayətin ictimai təhlükəliliyini əhəmiyyətli dərəcədə azaldan əsaslar kimi çıxış etdikdə  şəxsin barəsində CM-in 62-ci maddəsinin tətbiqini mümkün edən əsaslar kimi nəzərdən keçirilə bilər.

Buna görə də məhkəmə CM-in 62-ci maddəsinin tətbiqi üzrə məsələni həll edərkən cəzanı yüngülləşdirən hala və yaxud bu cür halların məcmusuna əsaslandıqda, sadəcə istinadla kifayətlənməməli, əvvəla həmin halların hansı sübutlarla təsdiq edilməsini göstərməli, digər tərəfdən isə belə halların törədilmiş cinayətlə əlaqəsini, onun ictimai təhlükəliliyinə təsirini, bu təsirin kifayət qədər olduğunu, yəni törədilmiş cinayətin ictimai təhlükəliliyini məhz əhəmiyyətli dərəcədə azaltdığını, əgər cəzanı yüngülləşdirən həmin hallar cinayətin məqsədi və motivi, təqsirkarın cinayətin törədilməsində rolu, cinayətin törədilməsi zamanı və bundan sonra davranışı ilə bağlıdırsa, onların müstəsna xarakterə malik olduğunu əsaslandırmalıdır. 

Yuxarıda təsvir edilən cinayət-hüquqi normalardan belə nəticə hasil olunur ki, cəza təyini məsələsinin ədalətlə həll edilməsi üçün formal olaraq CM-in 62.1-ci maddəsində təsbit edilmiş əsasların dairəsinə düşən halların CM-in 8, 58-ci maddələrində sadalanan hallarla birlikdə, həmin, eləcə də CM-in 41.2-ci maddəsinin tələbləri gözlənilməklə təhlil edilməsi və məcmu halında nəzərə alınması tələb olunur. O cümlədən, təqsirkarın şəxsiyyəti, cəzanı yüngülləşdirən hallar da elə nəzərə alınmalıdır ki, təyin olunmuş cəza ilə cinayətin xarakteri, ictimai-təhlükəlilik dərəcəsi, törədilmə halları arasında uyğunsuzluq yaranmasın, cəzanın məqsədləri təmin edilmiş olsun. 

Başqa sözlə, CM-in 8 və 58-ci maddələrinin nəzərdə tutduğu müəyyən (məsələn, cəzanı yüngülləşdirən) hallara həddindən artıq önəm verilib, onların CM-in 62-ci maddəsinin tətbiqini mümkün edən müstəsna hallar kimi qiymətləndirilməsi, digər (məsələn, cinayətin xarakteri, törədilmə halları, meydana gətirdiyi nəticələr kimi) halların isə lazımınca dəyərləndirilməməsi təqsirkara təyin edilmiş cəzanın ədalət prinsipinə cavab verən cinayət-hüquqi xarakterli tədbir kimi qəbul edilməsinə yol vermir.

“Oğlumuza görə bir aradayıq”  Natavanla Dado like
  • 19 May 22:19  
Şou-biznes “Oğlumuza görə bir aradayıq” Natavanla Dado

Keçmiş cütlük Natavan Həbibi ilə Dado növbəti dəfə birgə görüntül�

arrow Ətraflı
Daha bir təyyarə qəzası  ölənlər var like
  • 19 May 22:03  
Dünya Daha bir təyyarə qəzası ölənlər var

Misir Hərbi Hava Qüvvələrinə (HHQ) məxsus təlim təyyarəsi təlim uçuş

arrow Ətraflı
Xoşqədəmin kartından pul oğurlandı like
  • 19 May 21:26  
Şou-biznes Xoşqədəmin kartından pul oğurlandı

Əməkdar jurnalist Xoşqədəm Hidayətqızı dələduzluqla üzləşib.

arrow Ətraflı
Putin və Tramp 2 saatdan çox telefonla danışdı like
  • 19 May 21:15  
Dünya Putin və Tramp 2 saatdan çox telefonla danışdı

ABŞ Prezidenti Donald Tramp və Rusiya lideri Vladimir Putin arasında telefon

arrow Ətraflı
Sahil Babayev dövlət vəsaitlərini niyə banklara yerləşdirir?  RƏSMİ like
  • 19 May 21:12  
Digərləri Sahil Babayev dövlət vəsaitlərini niyə banklara yerləşdirir? RƏSMİ

Maliyyə Nazirliyi dövlət büdcəsinin sərbəst vəsaitlərinin yalnız iri b

arrow Ətraflı
Bütün mavi gözlü insanlar eyni əcdaddan törəyibmiş like
  • 19 May 21:00  
Digərləri Bütün mavi gözlü insanlar eyni əcdaddan törəyibmiş

Kopenhagen Universitetinin alimləri müəyyən ediblər ki, dünyada mavi göz�

arrow Ətraflı
Azərbaycanda sabiq nazirin ölkədən çıxışına qadağa qoyuldu like
  • 19 May 20:46  
Digərləri Azərbaycanda sabiq nazirin ölkədən çıxışına qadağa qoyuldu

Azərbaycanın keçmiş səhiyyə naziri Rahim Hüseynovun ölkədən çıxşı

arrow Ətraflı
Abşeronda qadının pansionatdan çıxarılma səbəbi like
  • 19 May 20:38  
Digərləri Abşeronda qadının pansionatdan çıxarılma səbəbi

Abşeron rayonu, Məmmədli kəndi ərazisində qadının pansionatdan çıxarı

arrow Ətraflı
Əhalinin neçə faizi gündəlik yerli TVlərə baxır? like
  • 19 May 20:30  
Digərləri Əhalinin neçə faizi gündəlik yerli TVlərə baxır?

Bu gün milli ideoloji əsasların formalaşdırılması və inkişaf etdirilmə

arrow Ətraflı
“Toya 3 gün qalmış dedilər ki, ayrılırıq...” like
  • 19 May 20:00  
Şou-biznes “Toya 3 gün qalmış dedilər ki, ayrılırıq...”

Müğənni Xatirə İslam maraqlı açıqlamalar verib.

arrow Ətraflı
Fransaya casusluqda təqsirləndirilən şəxslər məhkəmədə birbirlərini ittiham etdilər like
  • 19 May 19:40  
Siyasət Fransaya casusluqda təqsirləndirilən şəxslər məhkəmədə birbirlərini ittiham etdilər

Fransaya casusluqda ittiham edilərək həbs olunan Martin Ryan və dövlətə x

arrow Ətraflı
Azərbaycanda daha çox bu universitetlərin məzunları iş tapır  ARAŞDIRMA like
  • 19 May 19:25  
Digərləri Azərbaycanda daha çox bu universitetlərin məzunları iş tapır ARAŞDIRMA

Müasir dövrdə ali təhsil müəssisələrinin fəaliyyətinin əsas göstəri

arrow Ətraflı
Həftəsonuna kimi bu bürclərin başına pul "yağacaq" like
  • 19 May 19:13  
Digərləri Həftəsonuna kimi bu bürclərin başına pul "yağacaq"

19-25 May 2025-ci il tarixlərini əhatə edən həftə astroloji baxımdan əh

arrow Ətraflı