ÜSTdən xərçənglə bağlı QORXULU PROQNOZ: 2050ci ilə qədər...
Digərləri 02 Fev 2024 08:40:00 149 0
Ümumdünya Səhiyyə Təşkilatı ( ÜST ) dünyada xərçəng xəstəliyinin artacağı barədə xəbərdarlıq edib. Yeni xərçəng hadisələrinin sayının 2022-ci ildə ildə 20 milyondan 2050-ci ilə qədər 35 milyona yüksələcəyi gözlənilir.
Son.az publika.az-a istinadən xəbər verir ki, bu məlumatları təşkilata daxil olan Beynəlxalq Xərçəng Araşdırmaları Agentliyi dərc edib.
Xərçəngə yoluxma hallarının artmasının qeyri-bərabər olduğu və aztəminatlı qruplara qeyri-mütənasib təsir göstərdiyi qeyd edilir.
2022-ci ildə 20 milyon yeni xərçəng hadisəsi və 9,7 milyon ölüm qeydə alınıb. Bununla belə, diaqnozdan beş il sonra sağ qalan insanların sayı 53,5 milyon idi. Təxminən hər beş nəfərdən biri həyatı boyu xərçəngə tutulacaq, doqquz kişidən biri və on iki qadından biri bu xəstəlikdən dünyasını dəyişəcək.
Mütəxəssislər 2050-ci ilə qədər yeni xərçəng hadisələrinin sayının 2022-ci ilə nisbətən 77% artaraq 35 milyonu keçəcəyini proqnozlaşdırırlar. ÜST vurğulayıb ki, xərçəngə yoluxma hallarının artması yaşlanma və əhalinin artımı, eləcə də insanların risk faktorlarına məruz qalmasının dəyişməsi ilə bağlıdır. Tütün, alkoqol, piylənmə və havanın çirklənməsi insidentlərin artmasında əsas amillər kimi müəyyən edilir.
ÜST-ün məlumatına görə, yeni xərçəng hadisələrinin təxminən üçdə ikisi 10 xərçəng növündə baş verir. 2022-ci ildə ağciyər xərçəngi dünyada ən çox yayılmış xərçəng olub (2,5 milyon və ya bütün yeni halların 12,4%-i). İkinci yerdə qadınlarda döş xərçəngi (2,3 milyon hal, 11,6%), üçüncü yerdə kolorektal xərçəng (1,9 milyon, 9,6%) olub.
Həmçinin ən çox yayılmış xərçəng növlərindən bəziləri prostat xərçəngi (1,5 milyon, 7,3%), mədə xərçəngidir (970 min, 4,9%).
Eyni zamanda, ağciyər xərçəngi ən çox ölüm səbəbidir - 1,8 milyon ölüm (18,7%), ikinci yerdə 900 min (9,3%) kolorektal xərçəng gəlir. Həmçinin ölümə səbəb olanlar: qaraciyər xərçəngi (760 min, 7,8%), süd vəzi xərçəngi (670 min, 6,9%) və mədə xərçəngi (660 min, 6,8%).
Təşkilat 2022-ci ildə qadınlarda ən çox diaqnoz qoyulan xərçəngin və xərçəngdən ölümün əsas səbəbinin döş xərçəngi, kişilər üçün isə ağciyər xərçəngi olduğunu qeyd edib.
Son.az Xəbərlərimizi WhatsApp kanalımızdan da oxuyun
Azərbaycan Respublikası Gənclər Təşkilatları Milli Şurasının təşkila
"Biz Ermənistanla bugünkü ikitərəfli münasibətlərdən razıyıq. H�
ABŞ Prezidenti Co Bayden İordan çayının qərb sahilində zorakılıq inside
ABŞ hakimiyyəti Ukrayna Silahlı Qüvvələrinin Baş komandanı Valeri Zaljn�
Xəbər verdiyimiz kimi, ötən gün Türkiyənin Kocaeli şəhərində silahlı
Bakı Şəhər Mədəniyyət Baş İdarəsinin təşkilatçılığı ilə Mərd�
Türkiyədə Şimali Mərmərə magistral yolunun Çekmeköy ərazisində avtobu
"Tanınmış bir balet ustası ilə söhbət edirdim, dəhşətə gəldim.
Sümüklər canlı toxumalardan ibarətdir. Köhnə sümük toxuması daim yeni
Bakının Sabunçu rayonunda yol qəzası zamanı bir nəfər ağır xəsarət a
Çexiya bu gün Cənubi Qafqaz regionuna davamlı sülhün və əmin-amanlığı
Ukrayna Silahlı Qüvvələrinin baş komandanı Valeri Zalujnı istefası ilə
Sağlamlıq üçün bir çox faydası olan acı bibərin həddindən artıq isti
Ötən il fevralın 6-da Türkiyənin Kahramanmaraş bölgəsində baş verən z