Bu sözləri Trend-ə açıqlamasında təhlükəsizlik orqanlarının veteranı, fəxri əməkdaşı, polkovnik Azər Qarayev deyib.

A.Qarayev bildirib ki, Prezident İlham Əliyevin yürütdüyü siyasət dövlətimizin və xalqımızın milli maraqlarına xidmət edir. Vətən müharibəsində qazanılan tarixi Zəfər də öz gücünü məhz bu siyasətdən alır.

"Prezident İlham Əliyev yürütdüyü xarici və daxili siyasətlə bütün dünyaya dəfələrlə sübut edib ki, Azərbaycanın daxili işinə qarışmaq, ona təzyiq göstərmək mümkün deyil. Vətən müharibəsi və ondan sonrakı dönəmdə biz bunun şahidi olduq. Ötən il uğurlu lokal anti-terror əməliyyatından sonra Azərbaycanın suverenliyi tam təmin edildi.

Qarabağ probleminin artıq tarixdə qalması və ərazi suvernliyimizin tam bərpası ilə böyük bir dövrə yekun vuruldu. Artıq Azərbaycan üçün yeni dövr, hətta yeni inkişaf erası başlayır da deyə bilərik. Yeni dövrün başlanğıcı isə 7 fevral Prezident seçkiləri olacaq", - deyə A.Qarayev əlavə edib.

A.Qarayev onu əlavə edib ki, Azərbaycanın yeni inkişaf mərhələsi artıq başlayıb.

"Bu gün biz nəzər salsaq, görərik ki, azad olunmuş ərazilərdə çox geniş miqyaslı bərpa və quruculuq işlərinin getdiyinin şahidi olarıq. Soydaşlarımızın öz doğma torpaqlarına təhlükəsiz və firavanlıq içərisində qayıtması təmin olunur. Onların orada məşğulluq və digər məsələləri həll olunur. Prezident İlham Əliyev də müsahibəsində bu məsələlərə növbəti dəfə aydınlıq gətirdi" , - deyə A.Qarayev əlavə edib.

A.Qarayev bildirib ki, sülh müqaviləsi ilə bağlı da Prezident İlham Əliyev Azərbaycanın qəti mövqeyini növbəti dəfə bəyan etdi.

"Bugün biz görürük ki, müxtəlif dövlətlər, təşkilatlar Ermənistanı ələ alaraq Azərbaycana müəyyən təsir və təzyiq etməyə çalışırlar. Lakin bu cəhdlərin heç bir səmərəsi yoxdur. Azərbaycan heç bir zəmanətçilərə ehtiyac duymur və sülhün ikitərəfli formatda imzalanmasının tərtəfdarıdır.

Digər vacib məsələ isə sərhədlərin müəyyənləşdirilməsidir. Burada da Azərbaycanın mövqeyi qətidir. Ermənistan və onun havadarları sərhədlərin müəyyənləşdirilməsi üçün ötən əsrin 70-ci illərin xəritələrini əsas götürmək istəyir. Azərbaycan bununla razı ola bilməz" , - deyə A.Qarayev əlavə edib.

Ermənistanın silahlandırılması və gələcəkdə Azərbaycana təhdid ola bilməsi məsələsinə də toxunan polkovnik qeyd edib ki, Azərbaycana qarşı istənilən açıq təhlükə dərhal məhv ediləcək.

"Prezident İlham Əliyev bu fikri səsləndirməklə eyni zamanda Ermənistandakı revanşistlərə və onlara havadarlıq edənlərə açıq və sərt mesaj vermiş oldu. Onların Ermənistanı silahlandırması və Ermənistan hakimiyyətinin onların vədlərinə aldanması rəsmi İrəvan üçün ciddi acı nəticələrlə yekunlaşa bilər. Bütün bunları nəzərə alaraq Ermənistan tərəfi Azərbaycanın slüh təkliflərini yüksək dəyərləndirməli və adekvat addımları intensivləşdirməlidir" , - deyə A.Qarayev əlavə edib.

Son.az Xəbərlərimizi WhatsApp kanalımızdan da oxuyun