Astroloqlar partnyorunun və ya yaxınlarının ən kiçik bir hərəkətinə belə paxıllıq edən, onların uğur və xoşbəxtliyinə sevinməyən bürcləri üzə çıxıb.

Son.az yenisabah.az-a istinadən paxıl və qısqanc bürcləri təqdim edir:

Əqrəb: 

Qısqanclıq sözü ilə eyniləşdirilən əqrəblər üçün bu duyğu bir həyat tərzidir. Tez-tez kimisə idarə etmək istəyinə boyun əyən bu bürcün nümayəndələri işlər nəzarətdən çıxanda qısqanclıqlarını böyük fırtına ilə ifadə edə bilirlər. Lider ruhlu əqrəbləri idarə etmək çox çətindir. 

Buğa: 

Buğa bürcü altında doğulalar da əqrəblər kimi lider ruhlu, idarə etməyi sevəndirlər. Onlar sevdiyi insanları itirə biləcəklərini hiss etdiklərində qısqanclıqları vulkan kimi üzə çıxır. Buğa bürcü astrologiyada ən qısqanc bürclərdəndir. Bəzi hallarda qısqanclıq və paxıllıq aspektləri də dəyişə bilir. Məsələn, ətrafdakıların sahib olduğları lüks avtomobil, dəniz mənzərəli möhtəşəm ev, bahalı saat da buğalarda paxıllıq hissinə səbəb ola bilər.

Xərçəng: 

Xərçənglər evdə olmağı xoşlayır və ənənəvi dünyagörüşə sahibdirlər. Onların bütün arzusu hüzurlu və isti bir yuva qurmaqdır. Xərçənglər çox istiqanlı olsalar da, qısqanclığın ən hakim olduğu bürclər sırasındadırlar. Çox lazımsız məsələlərdə də qısqanclıqlarının şahidi ola bilərsiniz. Sevdiklərinə dərin məhəbbət göstərirlər, onları başqalarından qısqanırlar. Xərçəng bürcü ailə üzvlərini heç kimlə paylaşa bilmir. Qısqanclıqlarını bəzən incindiyi bir davranışa etiraz edərək bildirirlər. 

Şir:

Ərköyün olmağa və xoş münasibətə öyrəşmiş şirlər qısqanclığa asanlıqla məğlub ola bilən bürcdür. Onların liderlik ruhu həmişə irəliyə sövq etsə də, kiməsə paxıllıq etmələri onların irəliyə getmələrinə mane olur və yerlərində saymağa başlayırlar daha sonra isə bunun stressini hiss edirlər. Sosial həyatda uğura meyilli olan şirlər qısqanclıq hissinə məğlub olanda içlərinə qapanır və küsəyən olurlar. Bəzən ərafdakı insanları ittiham edə bilərlər. Romantik münasibətlərində sahiblənici və bir o qədər də qısqancdırlar. Şirlərin qarşı tərəfə güvənməsi çox vaxt onların qısqanclığının qarşısını alır.