Antiazərbaycan, ermənipərəst çıxışları ilə tanınan rusiyalı deputat Konstantin Zatulin bu dəfə Qazaxıstanda arzuolunmaz şəxs elan edilib. Bu ölkətə qarşı hücumları və tənqidləri ilə tanınan Dövlət Dumasının deputatı pasport nəzarəti zonasından buraxılmayıb. "Müəyyən çətinliklərdən və Rusiya Xarici İşlər Nazirliyinin vəziyyətə müdaxiləsindən sonra problem həll olundu", - Zatulinin mətbuat xidməti RBK-ya bildirib. Zatulin özü Qazeta.ru-ya bildirib ki, Qazaxıstanda (Baykonur şəhərində) ikinci gündür ki, nəzarət-buraxılış məntəqəsində həqiqətən də problemlər var idi, sərhədçilər onlara nəyin səbəb olduğunu izah edə bilməyiblər. "Həqiqətən də, dünən biz Moskvadan Baykonura gəldik və Qazaxıstan sərhədçiləri tərəfindən aparılan pasport nəzarətindən keçərkən nasazlıq yarandı. Bu pasport keçid məntəqəsində bir müddət dayanmalı olduq. Təəssüf edirəm, amma mənə qarşı hansı iddiaların olduğunu heç bir şəkildə izah edə bilmirəm, çünki sərhədçilər də bunu izah edə bilmədilər. Xəbər verdiyimiz səfirin və Rusiya Federasiyasının səfirliyinin müdaxiləsindən sonra bu anlaşılmazlığa və ya bu təxribata son qoyuldu", - deyən Zatulin Qazaxıstana səfərinin heç bir siyasi çalarlarının olmadığını bildirib. Zatulinin sözlərinə görə, o, Baykonura "Baikonur Racket 2023" turnirinin açılışı, eləcə də bir sıra digər tədbirlər keçirmək üçün gəlib.