Son.az metbuat.az-a istinadən onların bəzilərini təqdim edir:

İlin əvvəlində - fevral ayında Milli Məclisin deputatı Tahir Kərimli oyuncaq əjdaha ilə videosu yayıldı. Deputat əjdaha ilə video çəkərək onu ölümlə hədələyən şəxslərə səslənmişdi: "Ey məni ölümlə hədələyən, sən məni öldürməklə adi bir insanı ortadan götürəcəksən. Amma mənim yerimə minlərlə oğul yetişəcək ki, onlar dövlətimizi daha da irəli aparacaq. Sən heç kimsən", - deyə Tahir Kərimli videomüraciət yayılmışdı. "Deputat Tahir Kərimli onu təhdid edənlərə əjdaha ilə cavab verdi" xəbər başlıqları isə qısa zamanda gündəmi zəbt etmişdi.

Aprel ayında Bakıda gecə klubunda baş verən partlayış da çox müzakirə edilən hadisələrdən olmuşdu. Hadisə zamanı 3 nəfər ölmüş, 35 nəfər yaralanmışdı. Hadisə gecə saat 3-ə yaxın saatlarında baş vermişdi. Ramazana ayında baş verən hadisə bir qrup insanlar tərəfindən kəskin təndiq edilmiş, "müqəddəs ayda oruc tutmaq lazımdır" kimi ifadələrə yer verilmişdi.

İlin səs saldığı qədər ən çox tənqid edilən hadisələrindən biri də Fövqəladə Hallar Nazirliyində baş verən hadisələr idi. Belə ki, FHN Dövlət Yanğından Mühafizə Xidmətinin rəis müavini Zaur Mirzəyev cinsi ehtirasını təmin etmək kimi çirkin şəxsi niyyətlə qadınlarla 2013-cü ildən başlamaqla 2019-cu ilin sonlarınadək iş otağında cinsi əlaqə və digər formalarda intim münasibətdə olarkən video və foto çəkilişlər aparıb, hazırlanmış qanunsuz pornoqrafik materialların 2022-ci ilin avqust ayında internet şəbəkələrində yayılmasına səbəb olub.İş üzrə Zaur Mirzəyev avqustun 17-də şübhəli şəxs qismində saxlanılıb.

Oxşar görüntülər qısa zaman önvə Ədliyyə Nazirliyinin işçisinin başına gəlib. Ədliyyə Nazirliyinin Mühafizə Alayının komandiri, ədliyyə mayoru Tural Rəfiyev sosial mediada intim görüntüləri yayılıb. Rəsmi olaraq açıqlanmasa da, yerli mətbuatın məlumatına görə, hadisədən sonra tutduğu vəzifədən azad edilib.

Xalq yazıçısı Azərbaycan Yazıçılar Birliyinin (AYB) katibi Çingiz Abdullayev AYB-nin XIII qurultayı üçün ayırılan 203 min manatın çoxluğu ilə jurnalistin sualına sərt reaksiyası çox müzakirə edilmişdi. "Necə yəni? Bu qədər adama, qonağa bilet alınıb. Buranın - teatrın icarə haqqı ödənilib. Qonaqlar mehmanxanalara yerləşdirilib, kitablar çap edilib. Bəs sizcə, bunlar xərc deyil? Bu sözü məndən soruşmağa utanmırsınız? Nə danışırsınız, biz daha çox xərcləmişik. Başa düşürsünüz? Utanmırsınız, Xalq yazıçısından pulların hara xərcləndiyini soruşmağa? Özün ölmürsən, utanmaqdan?", - Çingiz Abdullayev cavab vermişdi.

Meyxanaçı Rəşad Əmirov (Rəşad Dağlı) tanışı, 1979-cu il təvəllüdlü İskəndər Mehtiyevi şəxsi münasibətlər zəminində aralarında yaranan münaqişə zamanı bıçaqla çoxsaylı xəsarətlər yetirərək qətlə yetirmişdi. Demək olar ki, hadisə baş verən tarixdən - noyabrdan bugünədək hələ də aktual mövzulardandır.

Qeyd edək ki, Rəşad Dağlı barəsində 4 aylıq həbs qətimkan tədbiri seçilib.

Gədəbəydə isə cütlüklərin nişanlanması səs-küyə səbəb olmuşdu. Belə ki, 17 yaşlı qızın 50 yaşlı kişi ilə evlənməsi xəbəri sosial şəbəkələrdə tənqid edilmişdi. Məsələ müzakirə edildikdən sonra isə qızın 17 yaşı tamam olduğu, öz istəyi ilə 50 yaşlı şəxslə ailə həyatı qurmaq istədiyi məlum olmuşdu.