İlham Əliyev Vaşinqtonda Amerika İsrail İctimai Əlaqələr Komitəsinin icraçı direktoru və digər rəhbər heyəti ilə görüşüb
Siyasət 18 Fev 2026 20:48:00 78 0
Azərbaycan Respublikasının Prezidenti İlham Əliyev Vaşinqtonda keçiriləcək Sülh Şurasının ilk iclasında iştirak etmək üçün Amerika Birləşmiş Ştatlarının Prezidenti Donald Trampın dəvəti ilə bu ölkədə işgüzar səfərdədir.
Bu xəbəri də oxu: Kolumbiya mətbuatı: Azərbaycan yeni mühüm geosiyasi aktor
Son.az AZƏRTAC-a istinadən bildirir ki, fevralın 18-də dövlətimizin başçısı Vaşinqtonda Amerika İsrail İctimai Əlaqələr Komitəsinin (AIPAC) icraçı direktoru Elliot Brandt və digər rəhbər heyəti ilə görüşüb.
Söhbət zamanı Amerika İsrail İctimai Əlaqələr Komitəsinin nümayəndə heyətinin ölkəmizə səfəri və dövlətimizin başçısı ilə görüşləri məmnunluqla xatırlandı.
Azərbaycanda bütün dinlərin və mədəniyyətlərin nümayəndələrinin bir ailə kimi sülh və mehribanlıq şəraitində yaşadıqlarını, bunun dünya üçün nümunə olduğunu deyən Elliot Brandt ölkəmizdə yəhudi icmasına dövlət səviyyəsində göstərilən diqqət və qayğıya görə Prezident İlham Əliyevə minnətdarlığını bildirdi.
Dövlətimizin başçısı Azərbaycanda müxtəlif dinlərin nümayəndələrinin əsrlər boyu harmoniya şəraitində yaşadıqlarını vurğuladı, tolerant mühitin ölkəmiz üçün tarixən həyat tərzi olduğunu dedi.
Görüşdə Azərbaycanın dinlər və mədəniyyətlər arasında dialoq prosesinə qlobal səviyyədə verdiyi töhfələr yüksək qiymətləndirildi.
Söhbət zamanı, həmçinin Azərbaycan-ABŞ əlaqələrinə toxunuldu, Donald Trampın hakimiyyətə gəlməsindən sonra ölkələrimiz arasında münasibətlərin inkişaf etdiyi vurğulandı.
Bir müddət əvvəl Amerika Birləşmiş Ştatlarının Vitse-prezidenti Cey. Di. Vensin ölkəmizə uğurlu səfərinə və "Azərbaycan Respublikası Hökuməti ilə Amerika Birləşmiş Ştatları Hökuməti arasında Strateji Tərəfdaşlıq Xartiyası"nın imzalanmasının əhəmiyyətinə toxunuldu. Bu Xartiyada ölkələrimiz arasında ənənəvi əməkdaşlıq sahələri ilə yanaşı, süni intellekt və rəqəmsal transformasiya məsələlərinin də prioritet istiqamətlər kimi müəyyən edildiyi qeyd olundu.
Amerika İsrail İctimai Əlaqələr Komitəsinin Azərbaycan-ABŞ və Azərbaycan-İsrail ikitərəfli münasibətlərinin dərinləşdirilməsində rolu vurğulandı.
Görüşdə ölkəmizlə bu təşkilat arasında əməkdaşlığın perspektivləri və qarşılıqlı maraq doğuran məsələlər ətrafında fikir mübadiləsi aparıldı. Son.az
Azərbaycanın Birinci vitse-prezidenti Mehriban Əliyeva rəsmi "İnstagra
"Oğlum deyir ki, çox kədərlisən, atam gedir ona görə? Deyirəm, hər
Ramazanın birinci günü üçün Azərbaycanda oruc vaxtları:
Xəbər verdiyimiz kimi, "Avroviziya 2011" qalibi Nigar Camal müğən
Azərbaycanda meliorasiya sahəsində fəaliyyət göstərən daha bir neçə id
Sevda Yahyayeva şəxsi həyatından yeni görüntüləri ilə diqqət çəkib.
Azərbaycan Dövlət Su Ehtiyatları Agentliyi suyun qiyməti ilə bağlı Tarif
Göygöldə baş verən hadisə ilə əlaqədar AQTA-nın Gəncə-Daşkəsən Re
Fevralın 19-u Azərbaycanın şimal və qərb rayonlarından başlayaraq 20-si
Zaur Nəbioğlu təqdim etdiyi "Rəngarəng" verilişində səsləndir
Bakıda sərnişinin ağır xəsarət alması ilə nəticələnən yol-nəqliyya
"Əhməd haradadır?" filminin Ceyranı - aktrisa, Gürcüstanın Xalq
Tramp administrasiyası Yaxın Şərqdə əksər amerikalıların düşündüyü
"Amnesty International" təşkilatı fevralın 17-də Azərbaycan məh
Bakının "Sovetski" adlanan ərazisində söküntü və yenidənqurma
