Son.az qafqazinfo-ya istinadən ilahiyyatçının qalmaqallı statusunu təqdim edir:

"Bu gün işə gələrkən akademiya binasının sağında yerləşən ağaclıqda iyrənc mənzərənin şahidi oldum. Bir-birinə yaxın iki skamyanın hər birində cütlüklər əyləşib öz aləmlərində idilər. Məni ilk andan dəhşət bürüdü ki, insan həya hissindən nə qədər uzaq olsun ki, başqasının yanında utanıb-qızarmadan, bivecliklə bu işi görsün. Görün bizdə həya hissi, xüsusilə bir çox oğlanlarda o qədər azalıb ki, onlar heç bir narahatlıq keçirmədən qız müqabilləri ilə hamının gözü qarşısında tərbiyəsizlik edirlər. Mənəvi-əxlaqi aşınma olmaqla yanaşı, "girlfrend və boyfrend" xəstəliyinin cəmiyyətdə yayılmağının, özü də heç bir qınaq və müqavimətə rast gəlmədən yayılmağının ağrılı-acılı göstəricisidir bu!