Bakıda kafedə dava: 2 nəfər bıçaqlanıb
Digərləri 14 Noy 2017 08:52:00 280 0
Yaralılardan birinin vəziyyəti ağırdır
Bakının Sabunçu rayonu ərazisində kütləvi dava zamanı bıçaqlanma olub.
Son.az "Report"a istinadən bildirir ki, 1987-ci il təvəllüdlü İsmayılov Mahir Etibar oğlu və 1987-ci il təvəllüdlü Paşayev İlham Ədil oğlu Balaxanı qəsəbəsində yerləşən "Qartal" kafesində tanıdıqları şəxslərlə əlbəyaxa dava ediblər. Nəticədə M.İsmayılovun boğaz və bədən nahiyələrinə 3 bıçaq, İ.Paşayevin isə boğaz, bədən və ayaq nahiyələrinə 6 bıçaq zərbəsi vurulub. Hər iki yaralı 3 saylı Kliniki Tibbi Mərkəzə yerləşdirilib. Həkimlərin verdiyi məlumata görə, M.İsmayılovun vəziyyəti ağırdır. Faktla bağlı Sabunçu Rayon Polis İdarəsi araşdırma aparır.
Mənbə: milli.az