Ən dadlı gürcü xaçapurisinin

Digərləri 08 May 2025 00:13:00 88 0

Xaçapuri - Gürcüstan mətbəxinin ən məşhur və sevilən yeməklərindən biridir. Xüsusilə Adjarian (Acarı) üslubunda hazırlanan xaçapuri özünəməxsus forması və içərisindəki pendir, yumurta və kərə yağı ilə seçilir. Bu yemək həm görünüşü, həm də dadı ilə süfrəyə fərqli bir rəng qatır. Əsasən sobada bişirilsə də, ev şəraitində asan üsullarla da hazırlanması mümkündür.

Son.az sadə xaçapuri reseptini təqdim edir:

Lazım olan ərzaqlar (2 ədəd üçün)

Soğan sousunda bişirilən toyuq: ideal isti yeməyin RESEPTİ Cəmi 5 dəqiqəyə ideal nahar: sadə və büdcəyə uyğun ispanaqlı lobya RESEPTİ Kartof püresinin dadını tamamilə dəyişən gizli inqrediyent: Parmesan Xəmir üçün

2 stəkan un

1 çay qaşığı quru maya

1 çay qaşğı şəkər tozu

1/2 çay qaşığı duz

2 xörək qaşığı duru yağ

3/4 stəkan isti su (və ya süd)

İçlik üçün

250 qram sulguni pendiri (və ya mozzarella + feta qarışığı)

2 yumurta (bir ədəd hər xaçapuri üçün)

1 xörək qaşığı kərə yağı (hər birinə 0.5 xörək qaşığı)

Hazırlanma qaydası

1. Xəmiri hazırlayın

İsti suya maya və şəkəri əlavə edib qarışdırın, 10 dəqiqə gözləyin. Üzərinə un, duz və yağ əlavə edib yumuşaq xəmir yoğurun. Üzərini örtüb isti yerdə 1 saat mayalanmağa qoyun.

2. İçliyi hazırlayın

Pendir rəndələnir və lazım olsa, bir az duz ilə qarışdırılır. İstəyə görə az miqdarda qaymaq və ya yumurta ağı da qarışdırıla bilər ki, pendir daha yaxşı yapışsın.

3. Xaçapurinin formalaşdırılması

Mayalanmış xəmiri iki bərabər hissəyə bölün. Hər hissəni oval formada yayıb kənarlarını içəriyə doğru bükərək "qayıq" forması verin. Ortasına bol pendir qoyun.

4. Bişirmə

200-220°C-də əvvəlcədən qızdırılmış sobaya qoyun. Təxminən 12-15 dəqiqə bişirin, kənarları qızarmalıdır. Sobadan çıxarmağa 3 dəqiqə qalmış, ortasına bir ədəd yumurta qırın (sarı hissəsi bütöv qalsın). 2-3 dəqiqə də bişirib sobadan çıxarın və üzərinə 0.5 x.q. kərə yağı əlavə edin.

Süfrəyə necə verilir?

Xaçapuri isti halda verilir. Yeyərkən yumurta sarısı və kərə yağı qarışdırılır, kənar xəmirə batırılaraq yeyilir. /lent.az Son.az