Son.az xəbər verir ki, bunu secki-2024.az saytına açıqlamasında Azərbaycan Respublikasının Xalq artisti, "Şərəf" ordenli Flora Kərimova deyib.

Xalq artistinin sözlərinə görə, Qələbə Azərbaycanın müasir tarixində misilsiz nailiyyət olub.

"Təsəvvür edin ki, İkinci Dünya müharibəsindən sonra demək olar ki, heç bir ölkə öz ərazi bütövlüyünü bərpa edə bilmədi, lakin Azərbaycan buna nail oldu. Azərbaycan özünün cəsarətli addımı ilə dünyanın hələ də separatizm və terrorizmdən əziyyət çəkən bir çox ölkələri üçün tarixi nümunə yarada bildi. Ona görə də Azərbaycanın bu nailiyyəti təkcə de-fakto deyil, həm də de-yure möhkəmlənməli idi. Növbədənkənar prezident seçkiləri isə son illərin bütün hərbi-siyasi nailiyyətlərinə lazımi legitimliyi verməyə qadir son dərəcə mühüm prosesdir", - deyən Xalq artisti əmindir ki, fevralın 7-də Azərbaycan xalqı bir daha birlik və həmrəylik nümayiş etdirərək seçki məntəqələrinə gəlib layiqli namizədə, Vətənin davamlı inkişafı və işıqlı gələcəyinə səs verəcək.

"Bu gün özümü həmişəkindən daha çox bütöv və azad ölkənin azad vətəndaşı kimi hiss edirəm. Ona görə də fevralın 7-də - prezident seçkiləri günündə bütün Azərbaycan xalqının timsalında bütün bacı-qardaşlarım kimi, mən də mütləq şəkildə yeni nailiyyətlərə, sülhə, sabitliyə, Qarabağın, əziz Şuşanın öz Vətənində əbədi qalmasına səs verəcəyəm", - deyə Flora Kərimova fikrini yekunlaşdırıb. Son.az Xəbərlərimizi WhatsApp kanalımızdan da oxuyun