Sumqayıtda marketdə başlayan eşq qadına baha başa gəldi


Kriminal 05 Sen 2023 08:08:00 244 0

Sumqayıtda marketdə başlayan eşq qadına baha başa gəldi

Sumqayıt şəhərində 1999-cu il təvəllüdlü Əsəd tanışı İlhaməni (adlar şərti verilib - red.) fotoları ilə şantaj edib.

Son.az teleqraf-a istinadla bildirir ki, Əsəd İlhamənin haqqında rüsvayedici məlumatlar yaymaqla hədələyib, 21 fevral 2023-cü ildə ondan 300 manat pul tələb edib.

Həmin gün saat 13.40-da Sumqayıt şəhəri, 45-ci məhəllə ərazisində yerləşən "Pioneer" marketin yaxınlığında İlhamə ilə görüşüb və 300 manatı alan zaman Sumqayıt şəhər Polis İdarəsinin cinayət axtarış şöbəsinin əməkdaşları tərəfindən saxlanılıb.

İstintaq orqanı tərəfindən Əsədin barəsində Cinayət Məcəlləsinin 182.1-ci (hədə-qorxu ilə tələb etmə, yəni zərərçəkmiş şəxsin və ya onun yaxın qohumlarının şəxsiyyəti üzərində zor göstərmə, onların haqqında rüsvayedici məlumatlar yayma və ya onların əmlakını tələf etmə hədəsi ilə özgənin əmlakını və ya əmlaka olan hüququnu və ya əmlak xarakteri daşıyan digər hərəkətlər etməsini tələb etmə) maddəsi ilə ittiham elan edilib.

Cinayət işi üzrə təqsirləndirilən şəxs qismində ifadə verən Əsəd ona elan olunmuş ittiham üzrə özünü təqsirli bilib. O bildirib ki, əvvəllər məhkum olunmayıb: "Zərərçəkmiş İlhaməni bir müddətdir tanıyıram. İlhamə geyim mağazasında işləyir, onunla həmin yerə alış-veriş üçün gedən zaman tanış olmuşuq. Bəzən mobil telefonda görüntülü danışmışıq".

Təqsirləndirilən şəxs qeyd edib ki, son zamanlar borcları əmələ gəldiyindən və anası xəstə olduğundan pula ehtiyac yaranıb: "Pul əldə etmək məqsədi ilə İlhamə ilə növbəti görüntülü danışıqlarımızdan birində onun telefonda olan görüntüsü əks olunan ekran şəklini çəkib özümdə saxladım. Daha sonra pul əldə etmək məqsədilə İlhaməyə guya fotoşəkillərinin məndə olduğunu, onları paylaşacağımı bildirdim, ona hədə-qorxu gəldim. Bunun müqabilində 300 manat lazım olduğunu bildirdim. İlhamə mənim təklifim ilə razılaşdı".

Əsədin ifadəsinə görə, fevralın 21-də, saat 13.40-da İlhamə ilə əvvəlcədən razılaşdqları Sumqayıt şəhəri, 45-ci məhəllə ərazisində yerləşən "Pioneer market"in yaxınlığında görüşüb: "İlhamədən 100 manatlıq 3 əskinas aldım. Oradan uzaqlaşmaq istəyərkən mülki geyimli şəxslər mənə yaxınlaşdı və polis əməkdaşları olduqlarını bildirdilər. İlhamənin hədə-qorxu ilə pul tələb etməyim barədə müraciəti üzrə aparılan araşdırma ilə əlaqədar şübhəli bilindiyim üçün saxlandığımı dedilər. Məni polis idarəsinə dəvət etdilər.

Etiraz etmədim və polis əməkdaşları ilə birlikdə Sumqayıt şəhər Polis İdarəsinə gəldim. İdarədə təhqiqatçı mənə hüquqlarımı müdafiə etmək üçün dövlət hesabına vəkil təqdim etdi. Videoçəkiliş vasitəsilə üzərimdə axtarış keçiriləcəyi bildirildi. Baxış zamanı İlhamənin verdiyi pul aşkar edilərək götürüldü".

Əsəd qeyd edib ki, İlhamədən cəmi bir dəfə pul tələb edib: "İlk dəfə anam xəstə olduğu üçün belə hərəkətə yol vermişəm. Bundan öncə bu kimi fəaliyyətlə məşğul olmamışam. Törətdiyim əməldən peşmanam və gələcəkdə bir daha belə qanun pozuntularına yol verməyəcəm.

2-ci Qarabağ - Vətən müharibəsi iştirakçısıyam. Qaziyəm, döyüşlərdə fərqləndiyimə görə medallarla təltif olunmuşam. Xəstə anam da mənim himayəmdədir. Zərərçəkmiş şəxslə barışmışam, məndən şikayəti yoxdur".

İş üzrə zərərçəkmiş İlhamənin sözlərinə görə, təxminən 2 ildir Sumqayıt şəhəri, 10-cu mikrorayon ərazisində geyim mağazasında kassir işləyir: "Bir müddətdir ki, mağazaya müştəri kimi gəlib-gedən Əsəd adlı şəxslə tanışlığım yaranıb. Mağazada işləyən işçilərə mobil telefon işlətmək qadağan olunduğundan lazım olan vaxt mənim mobil telefonumdan zəng etmək üçün istifadə edilib.

Mağazada satıcı işləyən qadınlardan biri ilə Əsəd adlı şəxsin münasibətləri yarandığından həmin xanım bəzən onunla mənim mobil nömrəm ilə telefon əlaqəsi saxlayıb. Bu səbəbdən mənim mobil nömrəm Əsəddə olub".

Zərərçəkmiş qeyd edib ki, bundan sonra onlar hərdənbir telefonla görüntülü danışmağa başlayıblar: "Bir müddətdən sonra Əsəd mənə bildirdi ki, telefonla danışarkən fotoşəkillərimi "screen" edərək özündə saxlayıb. Əsəd şəkillərimi sosial şəbəkələrdə paylaşacağı ilə hədə-qorxu gəldi, 300 manat tələb etməyə başladı. Bir neçə dəfə zəng edərək pul tələb etdiyi üçün təzyiqlərdən qorxduğum, ailəm ilə hər hansı problem yaranmasın deyə Sumqayıt şəhər Polis İdarəsinə ərizə ilə müraciət etdim.

Bundan sonra Əsədlə əlaqə saxladım və istədiyi 300 manatı ona verə biləcəyimi bildirdim. Verəcəyim 3 ədəd 100 manatlıq pul əskinaslarının nömrələri yazılaraq fotoşəkilləri çəkildi. Əsədlə fevralın 21-də, saat 13.40-da görüşdük. Əsəd məndən pulu alaraq oradan uzaqlaşarkən polis əməkdaşları tərəfindən saxlanıldı".

Zərərçəkmiş bildirib ki, hadisədən sonra Əsəd ondan üzr istəyib, buna görə ona qarşı şikayəti yoxdur.

Bu cinayət işinə Sumqayıt şəhər Məhkəməsində baxılıb.

Əsədin barəsində Cinayət Məcəlləsinin 70-ci (şərti məhkum etmə) maddəsi ilə tətbiq olunub. Ona 1 il sınaq müddəti olmaqla 2 il 11 ay 29 gün müddətinə şərti cəza təyin olunub.

Müəllim olmaq istəyənlərin nəzərinə  Bu gün saat 12:00dan... like
  • 05 Sen 08:02  
Digərləri Müəllim olmaq istəyənlərin nəzərinə Bu gün saat 12:00dan...

Bu gün saat 12:00-dan etibarən müddətli müqavilə ilə müəllimlərin iş�

arrow Ətraflı
Ərdoğan Putinlə görüşünün təfərrüatını açıqladı like
  • 05 Sen 07:57  
Dünya Ərdoğan Putinlə görüşünün təfərrüatını açıqladı

Türkiyə Prezidenti Rəcəb Tayyib Ərdoğan rusiyalı həmkarı Vladimir Putin

arrow Ətraflı
57 yaşlı Salma Hayekdən yaşına meydan oxuyan FOTOlar like
  • 05 Sen 07:56  
Digərləri 57 yaşlı Salma Hayekdən yaşına meydan oxuyan FOTOlar

2 gün əvvəl 57 yaşı tamam olan dünya şöhrətli aktrisa Salma Hayek payla

arrow Ətraflı
Emilinin yataqdan paylaşımına İrina Şeykdən reaksiya  FOTO like
  • 05 Sen 07:20  
Şou-biznes Emilinin yataqdan paylaşımına İrina Şeykdən reaksiya FOTO

Dünya şörhətli model Emili Ratakovski Instagram paylaşımı ilə gündəm

arrow Ətraflı
Ən səbrli bürclər onlardır  Ağıllı qərarlar verirlər like
  • 05 Sen 07:00  
Digərləri Ən səbrli bürclər onlardır Ağıllı qərarlar verirlər

Astroloqlar həftənin ilk günü üçün ən səbirli bürclər haqqında proqn

arrow Ətraflı
Ötən gün instaqramda kimlər nələr paylaşdı? like
  • 05 Sen 06:29  
Şou-biznes Ötən gün instaqramda kimlər nələr paylaşdı?

Məşhurlar ötən gün də ən yeni şəkillərini İnstaqram sosial şəbək�

arrow Ətraflı
Keçi südünün müalicəvi xüsusiyyəti like
  • 05 Sen 05:57  
Digərləri Keçi südünün müalicəvi xüsusiyyəti

Keçi südü nəinki dadlıdır, həm də dərmandır. Hələ Hippokrat keçi s�

arrow Ətraflı
Aparıcı milyonluq suala çatan iştirakçının alnından öpdü like
  • 05 Sen 05:30  
Digərləri Aparıcı milyonluq suala çatan iştirakçının alnından öpdü

Türkiyədə yayımlanan "Milyonçu" şousunda Rabia Birsen Güvercin

arrow Ətraflı
Uzunmüddətli yuxusuzluq sağlamlıq üçün bir çox fəsadlar ortaya çıxara bilər like
  • 05 Sen 04:55  
Digərləri Uzunmüddətli yuxusuzluq sağlamlıq üçün bir çox fəsadlar ortaya çıxara bilər

İnsomnia-yuxusuzluq yuxuya getməyin çətinləşməsi və ya çox erkən oyana

arrow Ətraflı
Samir "Səhərin səsi"ndən getdi, like
  • 05 Sen 04:25  
Şou-biznes Samir "Səhərin səsi"ndən getdi,

Aparıcı Samir Bayramlı "Səhərin səsi" verilişindən gedib. 

arrow Ətraflı
Bu 4 qida qan təzyiqini aşağı salır like
  • 05 Sen 03:48  
Digərləri Bu 4 qida qan təzyiqini aşağı salır

Dietoloqlar qan təzyiqini sürətlə aşağı salan dörd qidanın adını aç�

arrow Ətraflı
Dua etməyi ələ saldı, serialdan qovuldu like
  • 05 Sen 03:05  
Şou-biznes Dua etməyi ələ saldı, serialdan qovuldu

Aktyor Cemal Toktaşın "Sübhanekə" duasını ələ salan görüntü

arrow Ətraflı