Çempionat solo, duet, kiçik qrup, qrup, ansambl və böyük ansambl nominasiyalarında keçirilmişdir. Müsabiqədə Bakı və ölkənin regionlarının nümayəndələri iştirak ediblər.

"Keçirilən çempionatda həm tanış olan kollektivlərin, həm də özlərini göstərməyə qərar verən yenilərin çıxışlarını gördük. Hər nominasiyada öz rəqibləri olub, lakin Folk Stayl ansambl nominasiyasında üç kollektivin rəqabəti xüsusilə fərqlənib. Hakimlər sonuncuya qədər ümumi fikrə gəlməyə çalışdılar və nəhayət, qərar verdilər. Beləliklə, mən "Azad rəqs" kollektivini, xüsusən onların bədii rəhbəri Rəhim Babayevi qələbə münasibətilə təbrik edirəm. Onlara böyük uğurlar arzulamaq istəyirəm! Həmcinin "Bakı Ritim Qrupunu" ansamblı, Rəhman İmanovu  və "Alov " ansamblını, Emil Pənahovun rəhbərliyi altında,  qalib gəlmələri münasibəti ilə təbrik edirəm!", deyə təşkilat komitəsinin sədri Əziz Əzizov bildirib. Grand Prix qalibi isə  Folklor Stilizasiya nomonasiyasında Xacmaz şəhər Uşaq İncəsənət məktəbinin solisti Lamiyə Hacızadə oldu.