Son.az Xəzər Xəbər-ə istinadən xəbər verir ki, insan resursları üzrə mütəxəssis Nüsrət Xəlilovun fikrincə, hər bir müəssisə üçün savadlı kadr  faktoru ən vacib elementdir. Buna görə də müəsissələr daha peşəkar işçi axtarırlar. Onun sözlərinə görə, bir sıra hallarda işəgötürənlərin tələbləri ödənilmir, nəticədə çatışmazlıqlar yaranır.

Təhsil məsələləri üzrə ekspert Vüsal Kərimli isə  problemin kökünü ali məktəblərdə görür. Onun sözlərinə görə, son dövrlər bu istiqamətdə müsbət addımlar atılsa da, vəziyyət qənaətbəxş deyil.

Ekspertin fikrincə, universitetlər beynəlxalq akkreditasiyadan keçməlidir. Bu zaman bütün resursların əlçatanlığı təmin olunar, müəllim heyətinin və tələbələrin bilik səviyyəsi dünya standartlarına çatdırılar.

Təhsil eksperti deyir ki, texnologiya sürətlə inkişaf edir və ölkə təhsilinin beynəlxalq  tələblərə uyğunlaşıdırılması çətin prosesdir: "Ancaq məsələyə daha ciddi yanaşma olarsa, problemin böyük qismi həll edilər. Bu isə mütəxəssis çatışmazlığını minimuma endirər".

Qeyd edək ki, texniki, iqtisadiyyat və idarəetmə sahələri üzrə2014-2020-ci illərdə məzun olan tələbələrin əmək bazarında məşğulluq səviyyəsi 70 faiz təşkil edir.

Xezerxeber.az mövzu ilə bağlı daha ətraflı videomaterialı təqdim edir: