Rusiya Bakıya indi nə "SÜRPRİZ" HAZIRLAYIB?


Siyasət 27 Dek 2022 16:20:00 259 0

Rusiya Bakıya indi nə "SÜRPRİZ" HAZIRLAYIB?

"Oktyabrın sonunda Soçi görüşü öncəsi ilk olaraq Xankəndidə Vardanyanın iştirakı ilə Azərbaycan əleyhinə aksiya təşkil edildi, ikinci belə aksiya isə Sankt-Peterburqda MDB dövlət başçılarının görüşündən bir gün öncə keçirildi. Bu aksiyaların Rusiya tərəfindən təşkil edilməsindən hər hansı şübhə yoxdur".

Bunu Son.az-a açıqlamasında siyasi analitik Turab Rzayev deyib.

O bildirib ki, Rusiya Ermənistandakı hərbi bazasını Qarabağa köçürmək istəyir:

"Nikol Paşinyandan fərqli olaraq keçmiş "Qarabağ klanı" birbaşa Rusiyaya tabedir. Bu aksiya da birbaşa Putinin dostu Köçəryanın, Rusiyanın digər vassalı Serj Sarkisyanın rəhbərlik etdiyi Ruisyaya yaxın keçmiş "Qarabağ klanı"nın təşkil etdiyi aksiyadır. Bu klan Ermənistanda hakimiyyəti itirsə də, - düzdür, güc strukturlarında nəzarəti müəyyən qədər saxlayıb, - Qarabağda sülhməramlıların müvəqqəti nəzarət zonasında hakimiyyət tamamilə bu klanın əlindədir. 

Hətta buna görə də vaxtaşırı olaraq Ermənistan rəhbərliyi ilə biz onların konflikt yaşadığını görə bilərik. Eyni şəkildə Ruben Vardanyan Vladimir Putinin göndərdiyi bir emisardır. Rusiya bundan əvvəl də məxməri inqilablara qarşı "xeyriyyəçi inhisar" kartından istifadə edib. Hansı ölkədə məxməri inqilab qalib gəlibsə, həmin ölkəyə bir emisar göndərir. O, xeyriyyəçi kimi ad çıxarır, müəyyən pullar xərcləyir, daha sonra əhalinin rəğbətini qazanıb, hakimiyyətə gəlir.

Burada da Vardanyanın əsas hədəfi Qarabağda məşhurlaşmaq, valyuta rezervlərini cəlb etmək, onları xərcləmək, daha sonra Ermənistanda Paşinyanı əvəz etməkdir. Düşünürəm ki, burada Vardanyanın öz xahişi ilə Rusiya vətəndaşlığından azad edilməsi, əslində onun Ermənistan prezidentinə və Ermənistan baş nazirinə, yəni Ermənistandakı hakimiyyət dəyişikliyinə yolunun açılması məqsədilə atılan addımdır, nəyinki daha çox Qarabağda. 

Amma sırf onun nəyə görə bu ərizəni verdiyindən Rusiya XİN-in xəbəri var və nəyə görə onun bu istəyi dərhal yerinə yetirilib, demək olar ki, bununla bağlı heç bir açıqlama yoxdur. Halbuki Lavrov da, Putin də onu tanımadıqlarını bildirirlər. Amma nə əcəbsə, minlərlə müraciətə baxılmır, onun müraciətinə həmən o dəqiqə, dərhal reaksiya verilir. Eyni zamanda əgər o sıradan bir vətəndaşdırsa, niyə Lavrovun onun bu müraciətindən və Putinin cavabından onun xəbəri yoxdur. 

Aydın məsələdir ki, bütün bunlar qurmadır. Rusiya Qarabağı özününküləşdirmək istəyir. Burada iki məqsəd var:

1. Rusiya Qarabağda daimi qalaraq bölgəyə nəzarət etmək istəyir

2. Rusiya Qarabağ üzərindən həm Ermənistana nəzarət etmək istəyir, həm də lazım gəldikdə orada Vardanyan üzərindən dövlət çevrilişi etmək istəyir

Amma əgər Paşinyan necəsə Rusiyanın təsirindən çıxa və Qərbə inteqrasiya edə bilərsə, o zaman Rusiya hətta Ermənistandakı hərbi bazasını Qarabağa keçirmək bartədə də düşündüyü istisna edilə bilməz. Aydın məsələdir ki, Azərbaycan buna hər vəchlə yol verməyəcək. Bu, bizim üçün qırmızı xəttdir. 

Biz nəyinki Rusiyanın hərbi bazasının Qarabağda qalmasına, hətta sülhməramlıların belə müddətinin uzadılmasını düşünmürük. Ancaq burada qarşı tərəf - Rusiya hər vəchlə "erməni Qarabağını" "Rusiya Qarabağına"  dəyişdirməyə çalışır və faktiki olaraq bunu da bizə nümayiş etdirərək bir "güc nümayişi" həyata keçirməyə çalışır. 

Bu şəkildə Rusiya Azərbaycanı hansısa şərtlərlə razılaşmağa məcbur edir. Azərbaycanda isə qırmızı xətlər bağlıdır. Biz nə ərazi bütövlüyümüzdən, nə də Qarabağdakı suverenliyimizdən vaz keçməyəcəyik. Eyni zamanda sülhməramlıların qalma müddətini də daha 15-20 il uzatmağı düşünmürük".

Təhməz Əsədov Son.az

Çin sərhədləri açacaq və karantini ləğv edəcək like
  • 27 Dek 16:14  
Dünya Çin sərhədləri açacaq və karantini ləğv edəcək

Çin yanvarın 8-dən etibarən bəzi anti-COVID məhdudiyyətlərini aradan qal

arrow Ətraflı
Reper səhnədə təcavüzə uğradı  VİDEO like
  • 27 Dek 16:06  
Şou-biznes Reper səhnədə təcavüzə uğradı VİDEO

Məşhur türkiyəli reper Sefo təqiblərə məruz qalıb.

arrow Ətraflı
Araz çayı üzərində körpü tikilir  Zəngəzur dəhlizi ilə bağlı like
  • 27 Dek 16:04  
Siyasət Araz çayı üzərində körpü tikilir Zəngəzur dəhlizi ilə bağlı

Zəngəzur dəhlizi ilə bağlı Azərbaycan İranla artıq Araz çayı üzərin

arrow Ətraflı
Bülbülə gölünün ətrafında bulvar salınacaq  VİDEO like
  • 27 Dek 15:58  
Digərləri Bülbülə gölünün ətrafında bulvar salınacaq VİDEO

Paytaxt Bakıda Bülbülə gölünün ətrafında bulvar salınması üçün aba

arrow Ətraflı
386 azərbaycanlı şagird ABŞdə riyaziyyat like
  • 27 Dek 15:54  
Digərləri 386 azərbaycanlı şagird ABŞdə riyaziyyat

ABŞ-ın Kopernik olimpiadasının mükafatlandırma mərasimi keçirilib.

arrow Ətraflı
Azərbaycanla Yaponiya arasında ikiqat vergitutma ləğv edilir  FOTO like
  • 27 Dek 15:26  
Digərləri Azərbaycanla Yaponiya arasında ikiqat vergitutma ləğv edilir FOTO

Azərbaycanla Yaponiya arasında gəlirlərə görə vergilərə münasibətdə

arrow Ətraflı