Elçin Əmirbəyov Brüsseldə AİErmənistan arasında sənədlə bağlı Azərbaycanın narahatlığını çatdırıb FOTO
Siyasət 10 Dek 2025 17:33:00 80 0
Azərbaycan Prezidentinin xüsusi tapşırıqlar üzrə nümayəndəsi Elçin Əmirbəyov Belçika Krallığına işgüzar səfəri çərçivəsində Avropa Komissiyasının bir sıra rəsmiləri ilə görüşlər keçirib.
Bu xəbəri də oxu: Kamaləddin Qafarov: “Mövcud münasibətlər Azərbaycanın Avropaya inteqrasiya xəttinə tam uyğun gəlir”
Son.az xəbər verir ki, görüşlər Avropa Komissiyasının Prezidentinin diplomatik müşaviri Saymon Mordü, Avropa Xarici Fəaliyyət Xidmətinin baş katibinin müavini və Avropa üzrə icraçı direktor Matti Maasikas və Avropa Komissiyasının Genişlənmə və Şərq Qonşuluğu üzrə baş direktorunun müavini Adrien Kirali ilə baş tutub.
Aİ rəsmiləri ilə görüşlərdə Azərbaycan - Aİ münasibətlərinin cari vəziyyəti və inkişaf perspektivləri, müzakirə olunan ikitərəfli sənədlər, regional nəqliyyat bağlantılarının formalaşdırılması və Azərbaycan və Ermənistan arasında sülh gündəliyi ətrafında fikir mübadiləsi aparılıb.
E.Əmirbəyov dekabrın əvvəlində qəbul olunmuş Aİ - Ermənistan Tərəfdaşlığı üzrə Strateji Gündəlik adlı sənədlə əlaqədar Azərbaycan tərəfinin ciddi narahatlığını onların diqqətinə çatdırıb, regiondakı mövcud reallığı əks etdirməyən və artıq tərəflər arasında müzakirə mövzusu olmayan məsələlərin süni şəkildə təkrar gündəliyə çıxarılması cəhdlərinin regional sülh gündəliyinə və Azərbaycan-Aİ münasibətlərinə zərər vuran addım kimi qiymətləndirib.
O, Ermənistan və Aİ-nin mövcud reallıqları əks etdirməyən bu zərərli müddəaların aradan qaldırılması istiqamətində konkret addımların atılacağı barədə ümid ifadə edib.
Səfər çərçivəsində Elçin Əmirbəyov Belçika Federal Parlamentinin Nümayəndələr Palatasının Sədri Piter de Ruver, Belçika Kralının Ofis rəhbərinin müavini və diplomatik müşaviri Piter Klaes, Belçika Baş nazirinin Ofisinin Xarici İşlər və Təhlükəsizlik üzrə Aparat rəhbəri Paskal Heyman və Belçika Xarici İşlər Nazirliyinin İkitərəfli Məsələlər üzrə Baş direktoru Birqit Stivens ilə geniş tərkibli görüşlər keçirib.
Görüşlər çərçivəsində Azərbaycan və Belçika arasında ikitərəfli münasibətlərin mühüm istiqamətləri üzrə fikir mübadiləsi aparılıb.
E.Əmirbəyov görüşlər zamanı Azərbaycan-Ermənistan münasibətlərinin normallaşması istiqamətində atılan addımlar, Cənubi Qafqaz regionunda dayanıqlı sülhün təmin edilməsi üçün lazımi şərtlər və bu çərçivədə ölkəmiz tərəfindən aparılan ardıcıl siyasi xətt barədə tərəf müqabillərini məlumatlandırıb. O, həmçinin Avropa tərəfdaşlarını sülh quruculuğu prosesinə mümkün töhfələr barədə istiqamətləndirib.
Brüsselə səfəri zamanı E.Əmirbəyov NATO Baş katibinin müavin köməkçisi, NATO-nun Cənubi Qonşuluq üzrə Xüsusi Nümayəndəsi Xavyer Kolomina ilə də görüşüb.
Elçin Əmirbəyov NATO-Azərbaycan münasibətlərinin mövcud vəziyyəti və perspektivlərini müzakirə edib.
NATO-nun yüksək vəzifəli rəsmisi Azərbaycanın və onun rəhbərliyinin alyans tərəfindən tam şəkildə dəstəklənən sülh ruhunun möhkəmləndirilməsindəki rolunu yüksək qiymətləndirib.
"Səni Axtarıram" verilişində maraqlı və bir o qədər də yaddaq
Zərgərlik mağazasının açılışında iştirak edən məşhur sənətçi B�
Elm və Təhsil Nazirliyi tərəfindən müəllimlər üçün yeni mobil tətbiq
2025-2026-cı tədris ili üzrə istilik mövsümünə hazırlıq çərçivəsin
Sabah hava şəraiti ilə əlaqədar avtomobil yollarında görünüş məsafəs
Müğənni Təranə Qumral həmkarı Vəfa Şərifovanın yazdığı məktubu ca
Ankarada Hacettepe Universiteti Türk Dövlətləri Gənclik Topluluğu və Beyn
Sosial şəbəkədə paylaşım edən valideyn övladına xarici, xüsusilə İr
"Azərbaycan Respublikasının Prezidenti cənab İlham Əliyevin Slovakiya
Sumqayıt şəhər sakinlərindən birinin bank kartından 4244 manat vəsaiti n
Mavritaniya səhrasında yerləşən ucqar bir kənd uzun illərdir elmi araşd
Hindistanın Uttar-Pradeş ştatının Deoriya şəhərində maraqlı hadisə ba
Kənd Təsərrüfatı Nazirliyi yanında Aqrar Xidmətlər Agentliyinin Hacıqab
Fövqəladə Hallar Nazirliyinin (FHN) Mülki Müdafiə Qoşunlarının "N&
