Ev şəraitində 5 nəfərlik, 12 ədəd bibər dolması üçün bir neçə vacib məqam var. Bu addımlara diqqət yetirsəniz, ləzzətli və ağız dadını oxşayan bir yemək hazırlamış olacaqsınız.

Son.az resepti təqdim edir:

Tərkibi:

12 ədəd dolmalıq bibər

1 stəkan düyü

1 ədəd böyük soğan

Yarim fincan kişmiş

Yarim çay qaşığı qara istiot

Yarim çay qaşığı yenibahar

1 yemək qaşığı qırmızı toz bibər

1 fincan bitki yağı

1 fincan zeytun yağı

Bir ovuc cəfəri, şüyüd, nanə

İlk olaraq, dolmalıq bibərlərin saplarını diqqətlə çıxarın. Baş barmağınızla bibərin üstünə yüngülcə basıb sapı dairəvi şəkildə ayırın. Bu sapları qapaq kimi istifadə edə bilərsiniz, ya da üstünə pomidor dilimləri qoymaq mümkündür. Bibərlərin içini təmizlədikdən sonra bir kənarda saxlayın. Çox iri bibərlər seçməməyə çalışın.

Düyünü soyuq su ilə isladın. İsti su istifadə etsəniz, düyü çox su çəkib öz strukturunu itirə, hətta sınaraq dağılmağa başlayar. Çeşmə suyu ilə isladılmış düyü içliyin yaxşı bişməsinə kömək edir. Düyünü süzdükdən sonra bir kənarda saxlayarkən, soğanı çox incə doğrayın. Sonra qazanın altını orta odda açın və yağları əlavə edin.

Zeytun yağlı dolma soyuq yeyildiyi üçün zeytun yağı soyuducuda bəzən bərkiyə bilər. Yağlar qızdıqda, doğranmış soğanları əlavə edin və səbrlə qovurun. Soğanlar karamelləşərək demək olar ki, əriməli və yox olmalıdı. Soğanlar istədiyiniz səviyyəyə çatanda süzülmüş düyünü əlavə edib qovurmağa davam edin. Düyülər bir-birinə yapışmağa başlayanda, ədviyyatları əlavə etmək vaxtıdır.

Qırmızı toz bibər, qara istiot, yenibahar, darçın və duzu əlavə edib qarışdırın. Bu reseptdə pomidor salçası yerinə ləzzəti ədviyyatlardan alırıq. Ilıq suda isladılmış və süzülmüş kişmişi də əlavə edə bilərsiniz. İçliyin su miqdarı bu reseptdə çox önəmlidir. Normalda 1 stəkandan 1,5 stəkana qədər su istifadə olunur, amma bu reseptdə bol soğan və dolmanın içində bişməsi səbəbindən yalnız 1 stəkan su əlavə edin.

Su əlavə etdikdən sonra qazanı örtün və ən aşağı odda 10 dəqiqə bişməyə qoyun. Bu müddətdə qapağı açmayın. 10 dəqiqə sonra içliyi yoxlaya bilərsiniz. Su çəkilibsə, bir ovuc cəfəri, şüyüd və nanəni incə-incə doğrayın. Yaşıl nanə yoxdursa, quru nanə də istifadə edə bilərsiniz. Soyumuş içliyə otları əlavə edib qarışdırın.

Bibərləri doldurarkən, içliyi çox sıxışdırmadan, ağız hissəsində bir barmaq boşluq qalacaq şəkildə doldurun. Çiy düyü ilə hazırlanan dolmalarda bibərlər yarıya qədər doldurulur, lakin bu reseptdə yarı bişmiş düyü istifadə etdiyimiz üçün ağız hissəsinə qədər doldururuq. Bibərlərin üzərini pomidor dilimləri ilə bağlayıb orta odda qaynamağa qoyun. Qaynadıqdan sonra odda azaldın və təxminən 30 dəqiqə, bibərlər yumşalana qədər bişirin.

Nuş olsun!

Kənan Son.az