Son.az teleqraf.com-a istinadən bildirir ki, İranın blokadası altında olan və çevrilişdən qorxan Əsəd orduda əsaslı dəyişikliklərə gedib.

Bildirilib ki, son 1,5 ayda iki sui-qəsd cəhdindən sağ çıxan Əsəd İran mühasirəsini qırmaq və daxili tarazlığı bərpa etmək üçün Türkiyədən müəyyən təminatlar istəyib.

Əsəd Suriya ordusu komandanlığı, kəşfiyyat və polis bölmələrində kritik təyinatlar edib. Suriyalı polkovnik Yusuf Hamud yeni il öncəsi təhlükəsizlik bölmələrində edilən köklü dəyişikliklə bağlı Dəməşqdə çevriliş qorxusunun gündən-günə artdığını, İran-Rusiya qarşıdurmasının daha çox ordu eşelonunda əks olunduğunu bildirib: "İran həm mərkəzi qərargah, həm də sahədəki hərbi ünsürlər üzərində hökmranlığını böyük ölçüdə itirib. Bunun narahatlığı açıq-aşkar görünür. Şiə milislərinin ordu üzərində təqibləri bütün cəbhə boyu artıb. Bu nöqtədə Rusiyanın təsiri həlledicidir".

Qeyd edək ki, Əsəd ordusunda aşağıdakı dəyişiklikləri edib:

General-mayor Süheyl Abbas Ümumi Əməliyyat Mərkəzi Komandanlığı,

General-mayor Mühəndis Qassan Əli Ərəfat 6-cı Diviziya Komandanlığı,

General-mayor Məhəmməd İbrahim İsa 10-cu Diviziya Komandanlığına,

Briqada generalı Samir Əli Məhəmməd 4-cü Diviziya/38-ci Briqada Komandanlığı,

General-mayor Muhammed Khalif Muhammed 1-ci Korpus Komandanlığı,

General-mayor Mahmud Subh 8-ci Diviziya Komandanlığı,

General-mayor Nezzar Kamil Yunus 30-cu Diviziya Komandanlığına,

General-mayor Hüseyn İsmail Cedavi 9-cu Diviziya Komandiri təyin edildi.

Qeyd edək ki, Moskva zirvəsindən dərhal sonra komandanlıq səviyyəsində dəyişiklik İran təhdidi ilə yanaşı, qarşıdakı dövrdə Türkiyə Silahlı Qüvvələri ilə Suriya ordusu arasında əməkdaşlığa doğru bir addım kimi qiymətləndirilib.