Səhər süfrəsində nələr olmalıdır?

Son.az xəbər verir ki, səhər yeməyi oruc tutmaq üçün ən önəmli mərhələlərdən biridir, çünki səhər yeməyinin keyfiyyəti gün boyunca orucun düzgün aparılmasına təsir edə bilər. Bu səbəbdən səhər süfrəsi zəngin və balanslı olmalıdır.

Səhər süfrəsində ən vacib olan içki sudur. Orucun uzun saatlar boyu aclıq və susuzluğa səbəb olacağını nəzərə alaraq bədənin su ehtiyacını qarşılamak üçün bolca su içmək lazımdır. Həmçinin, təbii şirələr də içilə bilər. Amma şirələrdə şəkər miqdarı yüksək olduğu üçün, onları həddindən artıq qəbul etməkdən çəkinmək vacibdir. Yulaf, qarabaşaq kompleks karbohidratlar, oruc boyunca uzun müddət enerjinin təmin edilməsində faydalıdır. Bu cür qidalar, qan şəkərinin tənzimlənməsinə kömək edir və gün ərzində daha az acıq hissi yaradır.

Yumurta, yüksək zülal mənbəyidir və oruc zamanı enerji və doyum hissi təmin edir. Həmçinin, səhər süfrəsində balıq və ya zeytun yağı ilə bişirilmiş yeməklər də yaxşı seçim ola bilər.

Təzə tərəvəzlər və meyvələr vitaminlər və minerallarla zəngindir. Bunlar bədənin susuzluqla mübarizə aparmasına kömək edir və vitamin ehtiyacını qarşılayır.

Tam taxıllardan hazırlanmış çörək, qidalı və enerjili olacaqdır. Üstəlik, qatıq kimi probiotiklər həzm sisteminin düzgün işləməsini təmin edər.

Axşam süfrəsində nələr olmalıdır?

İftar oruc tutanların günün sonunda qida qəbul etməyə başladığı ilk anıdır və həm fiziki, həm də mənəvi olaraq doğru seçimlər etmək olduqca əhəmiyyətlidir. İlk olaraq, orucu açarkən çox az miqdarda su içmək məsləhətlidir. Çox su içmək bədənin şok vəziyyətə düşməsinə səbəb ola bilər. İftara həmçinin, təbii meyvə şirələri və ya ayran da daxil edilə bilər. İftarın açılışı üçün ənənəvi olaraq hurma və ya zeytun təklif edilir. Həm hurma, həm də zeytun, bədəndəki qlükoza səviyyəsini balanslaşdırmaq üçün ideal qidalardır. Zeytun həm də yaxşı yağlar və minerallar ilə zəngindir. Yüngül şorbalar, bədənin qida qəbulunu asanlaşdırır və həzmə kömək edir. Ənənəvi olaraq, noxud, mərci və ya toyuq şorbası iftar süfrələrində geniş yayılıb. Şorba həm də bədəni yumşaq bir şəkildə qida ilə tanış edərək, mədənin daha rahat işləməsinə kömək edir.

Axşam yeməyində əti və tərəvəzləri balanslı şəkildə təqdim etmək çox önəmlidir. Ət, zülal və dəmir qaynağıdır. Tərəvəzlər isə orqanizmi vitaminlə təmin edər, həzm sistemini asanlaşdırar və gün ərzində itirilən mineralları geri qazandırar.

İftardan sonra qida qəbulunu rahatlaşdırmaq üçün təzə meyvələr və ya yüngül şirinlər (şəkərsiz) verilə bilər. Bu, həm də orucdan sonra bədənin enerjisini toplamasına kömək edir.

İftar zamanı yemək tələsmədən, yavaş-yavaş yeyilməlidir. Bu, həzm sisteminin şok keçirməməsi və bədənin qida ilə uyğunlaşması üçün vacibdir. İftar zamanı şirin içkilərdən və yüksək şəkərli qidalardan çəkinmək vacibdir. Bu cür qidalar orqanizmin tez yüksələn qan şəkərini aşağı salmasına səbəb olur və uzun müddət oruc tutan insanın enerjisini düşürə bilər. Həm səhər, həm də axşam süfrələrində balanslı bir pəhriz saxlanılmalıdır. Zülallar, karbohidratlar və yağlar bərabər şəkildə paylanmalıdır.

Ramazan ayı həm oruc tutma, həm də sağlam qidalanma nöqteyi-nəzərdən çox önəmlidir. Orucluğun ilk günü oruc tutanın bədəninin bu dəyişikliklərə uyğunlaşması üçün vacibdir. Səhər və axşam süfrələrində uyğun qidaların seçilməsi, həm fiziki, həm də mənəvi sağlamlıq baxımından böyük əhəmiyyət kəsb edir. Sağlam qidalanma ilə orucun tutula bilməsi və uzun müddət ac qalınsa da sağlam qalınması mümkündür.

Aysel Son.az