Yeni il gecəsi bunları EDİN, arzunuz 100 faiz GERÇƏKLƏŞSİN

Digərləri 31 Dek 2025 04:04:00 81 0

Yeni il gecəsi arzuların gerçəkləşəcəyinə inam bir çox insan üçün xüsusi məna daşıyır. Hesab edilir ki, bu gecə düzgün şəkildə dilənən arzular qarşıdakı il ərzində reallaşa bilər. Ancaq təkcə arzu demək kifayət etmir, bəzi inanclara görə bunun özünəməxsus qaydaları var.

Son.az xarici mətbuata istinadən xəbər verir ki, Yeni il arzularını diləməyin maraqlı üsullarından biri üzüm ritualıdır. Bunun üçün 12 ədəd üzüm giləsi götürülür, imkan daxilində ağ üzüm seçilir. Saatın gecə yarısı vurduğu ilk zəngdən son zəngə qədər hər gilə yeyilir və hər biri üçün ayrıca arzu tutulur. Arzular gündəlik və sadə ola bilər - məsələn, yaxın bir insanın diqqəti və ya işdə uğur qazanmaq kimi.

Arzu tutmağın digər məşhur yolu kağız vasitəsilə həyata keçirilir. Arzu kağıza yazıldıqdan sonra yandırılır və alınan kül bir qədəhə tökülür. Gecə yarısı həmin kül alkoqolsuz içki, şirə və ya şampanla qarışdırılaraq içilir. İnanclara görə, güclü spirtli içkilərdən istifadə etmək düzgün sayılmır. Çünki bu cür içkilərin arzular üçün deyil, başqa məqsədlər üçün istifadə edildiyi düşünülür. Arzunun saf və müsbət enerji ilə reallaşması üçün şirə və ya su seçmək daha məqsədəuyğun hesab olunur.

Mütəxəssislər və inanclara görə, arzu tutarkən bəzi məqamlara diqqət etmək vacibdir. Arzu səmimi olmalı, başqa insanların həyatına birbaşa təsir etməməlidir. Xüsusilə konkret bir insanla evlənmək kimi arzular tövsiyə edilmir. Bunun səbəbi isə həmin şəxsin iradəsinə müdaxilə etmə ehtimalıdır. İnanca görə, arzu yalnız arzulayan şəxsin özü ilə bağlı olduqda müsbət nəticə verə bilər.

Yeni il gecəsi dilənən arzuların gerçəkləşməsi üçün əsas şərtin pozitiv niyyət, səmimiyyət və doğru seçimlər olduğu vurğulanır. Bu baxımdan, yeni ilə ümid və yaxşı düşüncələrlə daxil olmaq ən önəmli amil hesab edilir.

Hüseyn Son.az

Mənbə: milli.az

31 Dek 2025 13:07

Yeni il gecəsi bunları EDİN, arzunuz 100 faiz GERÇƏKLƏŞSİN

Siyahının davamı