Dolğun qadınla görüşdə nələri qətiyyən etməmək lazım olduğunu aydınlaşdıraq

1. Ona dolğun qadınları nə qədər sevdiyini demə.

Kiminsə ölçülərini və ya xarici görünüşünü müzakirə etmək nəzakətsizlikdir. Ona görə də "piyli qadınlara heyranam" kimi ifadələrdən qaçmaq lazımdır. Əgər kompliment etmək istəyirsənsə, daha yaxşısı, "sən çox gözəl görünürsən" və ya "bu geyim sənə çox yaraşır" kimi sözlər de. Bu, onun xarici görünüşünə diqqət etdiyini göstərəcək, amma bədən quruluşunu fetişə çevirməyəcək.

2. Özünü ona "xidmət göstərirmiş" kimi aparma.

Qadının XXL ölçü geyinməsi heç də onun özünəinamının aşağı olması və ya kişilərdən gələn diqqəti xüsusi bir hədiyyə kimi qəbul etməsi demək deyil. Insan haqqında yalnız görünüşə əsaslanaraq nəticə çıxarmağa son qoy. Bədən quruluşu özünə güvəni müəyyən etmir, amma yuxarıdan aşağı baxan münasibət onu mütləq narahat edəcək.

3. Onun bədəninə həddindən artıq diqqət göstərmə.

Dolğun qadınlar gözəl formalara sahibdirlər, amma bu, onların sinəsinə və ya digər bədən hissələrinə açıq-aşkar baxmaq icazəsi vermir. Qadını bir anlıq nəzərdən keçirmək normaldır, amma göz kontaktına qayıtmaq vacibdir. Göz təması səmimi maraq göstərir və qadının yanında özünü rahat hiss etdiyini nümayiş etdirir.

4. Onun səni əyləndirəcəyini gözləmə.

"Şən dolğun qadın" stereotipi çoxdan köhnəlib. Paltar ölçüsü insanın xarakterini müəyyənləşdirmir. Zarafatcıl və yumor hissi olan insanlar hər cür bədən quruluşunda olur. Dolğun qadınlar da digər insanlar kimi kədərlənə, əsəbiləşə və öz emosiyalarını müxtəlif formalarda ifadə edə bilərlər. Onlar "səni güldürmək üçün" görüşə gəlmirlər.

5. Onun yataqda ehtiraslı olacağına dair qənaət yaratma.

Bəzi kişilər yanlış olaraq düşünürlər ki, dolğun qadınlar öz formalarını "kompensasiya etmək" üçün yataqda daha ehtiraslı davranacaqlar və ya digər qadınların etmədiklərini edəcəklər. Bu fikri dərhal unut. Özünə hörmət kiloqramlarla ölçülmür. Heç kim başqasının gözləntilərinə uyğunlaşmaq üçün öz sərhədlərini pozmamalıdır. Əgər nəsə qeyri-adi bir şey sınamaq istəyirsənsə, bunun üçün uyğun icmalar var, dolğun qadınlar yox.

6. Fətfobiya haqqında söhbət açma.

"Bütün qadınlar gözəldir, kaş ki, bunu hamı başa düşəydi" və ya "Gündəlik hansı təzyiqlərlə üzləşdiyini təsəvvür edirəm" kimi ifadələr çox vaxt xoş qarşılanmır. Belə cümlələr səni fət-şeyminqlə mübarizə aparan "aydınlanmış" biri kimi göstərməyəcək. Əksinə, dolğun qadın düşünə bilər ki: "Mənim həyatım haqqında heç nə bilmir, amma yenə də mühakimə etməyə çalışır".

Kənan Son.az