Pulunu dollarla saxlamaq istəyənlərə

Digərləri 27 İyn 2025 19:59:00 81 0

Dünyanın nüfuzlu maliyyə qurumlarından biri olan JP Morgan, ABŞ dollarının qarşıdakı 12 ay ərzində zəifləyəcəyini proqnozlaşdırıb. Analitiklər bu zəifləmənin əsasən dolların digər aparıcı valyutalara - avro, yen və funt sterlinqə qarşı baş verəcəyini bildirirlər.

Bəs, indiki mərhələdə sərmayəni dollara çevirmək daha məqsədəuyğundur, yoxsa gözləmək? Son.az xəbər verir ki, mövzu ilə bağlı iqtisadçı ekspert Əkrəm Həsənov konkret.az-a açıqlamasında bildirib ki, Azərbaycan manatı uzun illərdir ki, ABŞ dollarına bağlanıb.

Əkrəm Həsənov: "Məzənnə fərqinin 92%-dən çoxunu dövlət ödəyəcək"

"Hazırda 1 ABŞ dolları rəsmi olaraq 1 manat 70 qəpik olaraq qalır və bu məzənnə uzun müddətdir sabit saxlanılır. Bu isə o deməkdir ki, dolların dünya bazarında digər valyutalara qarşı zəifləməsi Azərbaycan manatına qarşı məzənnəyə birbaşa təsir göstərmir. Amma dolayı yolla bu zəifləmə milli valyutanın digər valyutalara, xüsusilə də avroya qarşı dəyər itirməsinə səbəb olur.

Məsələn, son illərdə avro manata qarşı xeyli bahalaşıb. Bu, dolların dünya üzrə ucuzlaşmasının Azərbaycan manatına da avro qarşısında təsir etdiyini göstərir. Başqa sözlə, bizdə dollar sabit görünsə də, manata avroya qarşı devalvasiya baş verir".

Belə bir şəraitdə və JP Morgan-ın proqnozlarını nəzərə alaraq, iqtisadçı bildirir ki, hazırda sərmayəni mərhələli şəkildə dollara çevirmək məsələsi aktual deyil. Çünki dünya miqyasında ucuzlaşan dollar Azərbaycan bazarında da avro və digər valyutalar qarşısında zəifləməyə davam edəcək. Bu isə vətəndaşlar və investorlar üçün avro və ya digər alternativ valyutaların alışını daha da bahalı edir.

"Hazırkı mərhələdə, xüsusilə, də avro bahalı olduğu üçün onu almaq sərfəli hesab edilmir".

Mütəxəssis hesab edir ki, gözləmə mövqeyi tutmaq və valyuta bazarlarında vəziyyətin necə inkişaf edəcəyini izləmək daha məqsədəuyğundur.

"Dolların dünya bazarlarında sabitləşməsi və ya avronun nisbətən ucuzlaşması baş verdikdən sonra alternativ valyutalara keçid daha sərfəli ola bilər".

Mənbə: milli.az

28 İyn 2025 02:04

Pulunu dollarla saxlamaq istəyənlərə

Siyahının davamı