Son.az xəbər verir ki, evcil heyvanlar üçün daim təmiz və sərin su təmin etmək, günün ən isti vaxtlarında onları açıq havada saxlamaqdan çəkinmək, it və pişiklər üçün kölgəli və sərin məkanlar yaratmaq vacibdir. İtlərin uzun müddət günəşdə qalmasına icazə verməmək və onlara çox məşq etdirməmək lazımdır. Pişiklərin və itlərin tüklərini yığışdırmaq və düzgün baxmaq onların isti havada rahatlığını artırır. Vəhşi heyvanlar üçün isə isti havalarda su və qida tapmaq çətinləşir, buna görə də insanlar park və meşə ərazilərində su qabları qoymaqla onlara dəstək ola bilərlər. Hər hansı vəhşi heyvanın zəiflədiyini görsəniz, mütəxəssislərə xəbər vermək vacibdir. Həddindən artıq isti havalarda vəhşi heyvanların yaşadığı təbii mühitlərin qorunması və yanğın təhlükəsinə qarşı tədbirlər görülməlidir.

Mütəxəssislər bildirir ki, isti havalarda heyvanların sağlamlığına diqqət artırılmalı və onları mümkün qədər günəşin zərərli təsirlərindən qorumaq vacibdir. Susuzluq və istilik vurması kimi halların qarşısını almaq üçün vaxtında tədbir görmək onların həyatını xilas edə bilər.

Asya Son.az