Son.az axşam.az-a istinadən bildirir ki, sənətçi proqramda keçmiş "W-trio" üzvləri Natavan Həbibi və Elnarə Xəlilova ilə küsülü olmadığını bildirib:

"Dəfələrdə demişəm ki, bir yerə düşmürük ki, sizi görüm. Ola bilər ki, arada huşumdan çıxır, bu da normaldır. Maşallah, ailə üzvləriniz, sizin təkanınız var. Amma mən bütün nəsilə birdənəyəm. Heç kimə çatdıra bilmirəm. Xəstələndin yanına gəlmədim deyə, sən niyə küsürsən? Məni makyaj edən, hər gün evə gəlib gedən 10 nəfərlə dostluq edirəm. Harada görsəm inandırım ki, salam verirəm. Bir neçə il qabaq tədbirdə oğlum Hüseynlə tanış etdim ki, sənin xalan Natavandır. Danışmasaq da dedik, güldük. Çünki küsmək üçün səbəb yoxdur. Bu ummaqdır, düşünürəm ki, yavaş-yavaş keçib gedəcək. Doğurdan da kimisə görüb, salam vermədən keçmək mənim qabımda yoxdur. Bilirəm ki, bu adam mənə nifrət edir, amma salam verirəm".

Qeyd edək ki, bir neçə gün əvvəl tədbirlərin birində rastlaşan Natavan Həbibi ilə Röya Ayxan bir-birilərini görməzdən gəlmiş və salamlaşmamışdılar.