Kahramanmaraşda baş verən iki zəlzələ bütün Türkiyəni boğarkən, beynəlxalq ictimaiyyətin gözü zəlzələ mütəxəssislərinə çevrildi. Dünyanın bir çox yerlərində güclü zəlzələlərə səbəb ola biləcək nasazlıqlar var. Bəs ekspertlər hansı məqamlara görə həyəcan təbili çalırlar?

Son.az "Haber Global"-a istinadla xəbər verir ki, mütəxəssislər əsrin fəlakətinin yaşandığı bölgədə xüsusilə 2020-ci ildə Elazığ zəlzələsindən sonra bir hərəkət gözləyirdilər, buna görə gözlər bir müddət burada idi.

Məlum olduğu kimi, İstanbul ətrafında Şimali Anadolu Fay Xəttində güclü zəlzələ gözlənilir. 1999-cu il Mərmərə zəlzələsindən bu yana gözlər həm də "Böyük İstanbul zəlzələsi" kimi gözlənilən fəlakətə yönəlib.

Təbii ki, Türkiyənin yerləşdiyi ərazi dünyada zəlzələlərin gözlənilən yeganə nöqtəsi deyil. Bəs böyük zəlzələnin gözlənildiyi digər nöqtələr haradadır?

1. ALP QIRILMA XƏTTİ

Mütəxəssislər Marlborough qırılma xətti ilə həmsərhəd olan Alp qırılma xəttində zəlzələ gözləyirlər. Alp qırılma xətti Yeni Zelandiyada Sakit okean və Avstraliya plitələri arasındakı sərhəddə 600 kilometr uzanan bir xəttdir. Qayaların üzərində aparılan təhlillər göstərir ki, son 8000 ildə bu qırılma xəttində təxminən hər 300 ildən bir 8.0 və daha yuxarı bal gücündə zəlzələ yaşanır.

Alp qırılma xəttində sonuncu böyük qırılma 1717-ci ildə baş verib. Mütəxəssislər tərəfindən bu xəttin gələcək 50 ildə kəsilmə ehtimalı yüzdə 75 olaraq hesablanır. Həmçinin sözügedən zəlzələnin 8.0 bal və üzərində olma ehtimalı yüzdə 80 olaraq qeyd edilir.

Qeyd edək ki, Azərbaycan da bu qırılma xəttinin üzərində yerləşir.

2. SAN RAMON QIRILMA XƏTTİ

Sakit Okean Plitəsi ətrafına təsiri ilə ən təhlükəli plitə olaraq diqqətləri üzərinə çəkir. Belə ki, planetimizdə baş verən zəlzələlərin 81 faizi Sakit Okean zəlzələ zolağında baş verir və "Atəş Halqası" olaraq bilinir.