Bəs infarkt baş vermədən əvvəl ürək hansı siqnalları verir? Ağrı necə hiss olunur və hansı fərqli əlamətlər diqqətə alınmalıdır?

Ən tipik xəbərdarlıq: sinədə qəfil və kəskin ağrı

Son.az xarici mətbuata istinadən xəbər verir ki, həkimlərin fikrincə, infarktın ən səciyyəvi əlaməti - qəfil başlayan və olduqca şiddətli sinə ağrısıdır. Bu ağrı bəzən yanma, bəzən də gərilmə və içəridən sıxılma hissi ilə müşayiət olunur.

Ağrı təkcə sinə ilə məhdudlaşmır - sol çiyin, boyun, kürək və qol boyunca yayıla bilər. Bu, ürək əzələsinin oksigen çatışmazlığına məruz qalmasının birbaşa nəticəsidir.

Dərin, yandırıcı və dəyişməyən ağrı

İnfarkt ağrısı səthi deyil - dərinlikdə hiss olunur və adətən yanma və sıxılma hissi ilə birgə müşahidə edilir. Ən önəmli xüsusiyyətlərdən biri də odur ki, bədən mövqeyi dəyişsə belə, ağrının intensivliyi dəyişmir, nə azalır, nə də yüngülləşir.

Ağrısız infarkt mümkündürmü?

Bəli, mümkündür. Xüsusilə şəkərli diabetin ağır forması olan şəxslərdə infarkt ağrısız keçə bilər. Bu hallarda aşağıdakı əlamətlərə diqqət yetirilməlidir:

Ani və səbəbsiz zəiflik, Qan təzyiqinin qəfil enməsi, Ürək ritmində pozuntular, Soyuq və yapışqan tərləmə.

İnfarktdan şübhələndikdə nə etməli?