Kriminal
2025-11-23 18:13:00
Azərbaycanın Xalq artisti Təranə Muradova yaxın günlərdə Moskvada çoxqat dünya çempionu olmuş məşhur rəqqaslar Denis Taqintsev və Eldar Cəfərov ilə birlikdə qara-ağ fotosessiya həyata keçirib. Sosial şəbəkələrdə böyük maraq doğuran bu layihə xüsusi simvolikası ilə seçilib. "Çəkilişə hazırlaşanda təsəvvürümə dərhal ağ bir qu quşu gəlmişdi. Ağ kostyum geyinmək, oğlanların da işıqlı rənglərdə olması - kompozisiyanın təmizlik, ümid və gələcəyə doğru hərəkət rəmzini yaratmasını istəyirdim. Lakin Moskvada Denis Taqintsevin rəqs teatrına gəlib, dünyaca məşhur bal rəqqasları üçün hazırlanmış geyimlərin tikildiyi böyük sexi görəndə hər şey dəyişdi. Orada elə ustalar var ki, dünyanın hər yerindən rəqqasların paltarlarını hazırlayırlar - atmosfer insanı sözün əsl mənasında sehrləyir. Məhz orada qara ilə ağın birləşməsini gördüm. O anda beynimdə bir assosiasiya yarandı: səhər və axşam, həyatın ağ və qara zolağı. Məncə, hər bir insanın taleyində bu iki rəng mütləq olur. Onlar yanaşı gedir, bir-birini tarazlayır. Və biz, əlbəttə ki, həmişə işığa doğru can atırıq. Beləcə, fotosessiyanın əsas simvolu yarandı - işıq və kölgənin vəhdəti, mənim həyatımın əksi kimi. Mən həyatımda çox şey yaşamışam: ağır günləri də, yüngül anları da, sürətli yüksəlişləri də, parlaq məqamları da. Amma hər səhər şükürlə oyanmışam - "İlahi, mənə verdiyin hər şey üçün təşəkkür edirəm" - və eyni düşüncə ilə yuxuya getmişəm. Ona görə də qara-ağ konsepsiya təkcə bədii seçim deyil - bu, mənim bir növ etirafım oldu. Konsertdə də bu obrazlarla səhnəyə çıxacağam. Çünki bunlar artıq sadəcə kostyum deyil - taleyimin, təcrübəmin və gələcəyə baxışımın rəmzidir", - deyə Təranə Muradova bildirib. Xalq artisti həmin obrazda beynəlxalq miqyaslı Azerbaijan Dance Festival layihəsində də çıxış edib. Xatırladaq ki, 25 noyabr tarixində Heydər Əliyev Sarayında Azərbaycanın Xalq artisti, tanınmış rəqqasə, xoreoqraf, Bakı Xoreoqrafiya Akademiyasının beynəlxalq əlaqələr üzrə prorektoru, xalq və müasir rəqslər kafedrasının dosenti, Azərbaycan Rəqs İttifaqının prezidenti Təranə Muradovanın 60 illik yubileyinə həsr edilmiş yaradıcılıq axşamı keçiriləcək.
2025-11-23 00:39:00
M.Maqomayev adına Azərbaycan Dövlət Akademik Filarmoniyasında görkəmli bəstəkar Vasif Adıgözəlovun 90 illik yubileyinə həsr olunmuş möhtəşəm konsert keçirilib.
2025-11-22 19:39:00
Tovuzda gəlinini döyən qayınana cərimələnib.
2025-11-22 19:09:00
Naxçıvan Muxtar Respublikasında tiktoker saxlanılıb.
2025-11-22 19:00:00
Sosial şəbəkələrdə Samuxda çobanın bir qoyunu qamçı ilə döyməsini əks etdirən görüntülər yayılıb.
2025-11-22 17:33:00
Binəqədidə otelin 4 işçisinin ölümündə təqsirləndirilən rəhbər şəxs həbs edilib.
2025-11-22 16:40:00
Noyabrın 25-də Heydər Əliyev Sarayında Azərbaycanın Xalq artisti, əfsanəvi rəqqasə və xoreoqraf, Bakı Xoreoqrafiya Akademiyasının beynəlxalq əlaqələr üzrə prorektoru, xalq və müasir rəqslər kafedrasının dosenti Təranə Muradovanın 60 illik yubileyinə həsr olunmuş yaradıcılıq gecəsi keçiriləcək. Bu gecə Azərbaycan Respublikası Mədəniyyət Nazirliyi və Bakı Xoreoqrafiya Akademiyasının dəstəyi ilə baş tutacaq.
2025-11-22 16:13:00
Bakıda dələduzluq və sənədlərin saxtalaşdırılması əməlində təqsirləndirilən 2 nəfərin məhkəməsi başa çatıb.
2025-11-22 15:10:00
Paytaxtın Nəsimi rayonunda talama cinayətləri baş verib.
2025-11-22 14:00:00
Daxili İşlər Nazirliyinin Baş Narkotiklərlə Mübarizə İdarəsi narkotik vasitələrin qanunsuz dövriyyəsinə qarşı tədbirləri davam etdirir.
2025-11-22 09:00:00
Hava Nəqliyyatında Baş Gömrük İdarəsi əməkdaşlarının həyata keçirdiyi kompleks tədbirlər çərçivəsində tərkibində psixotrop və güclü təsir edən maddələrin olduğu xeyli miqdarda dərman vasitəsinin qanunsuz şəkildə ölkə ərazisinə gətirilməsi cəhdinin qarşısı alınıb.
2025-11-21 18:07:00
Noyabrın 25-də Azərbaycan Milli Xalça Muzeyində "Kəlağayının yeni hekayəsi" layihəsinin təqdimatı keçiriləcək. Tədbir Azərbaycan kəlağayısının UNESCO-nun Bəşəriyyətin Qeyri-Maddi Mədəni İrs üzrə Reprezentativ Siyahısına daxil edilməsinin 11-ci ildönümünə həsr olunacaq. Layihə çərçivəsində Azərbaycan Milli Geyim Mərkəzinin rəhbəri, Avrasiya Etnodizaynerlər Assosiasiyasının üzvü, sənətşünaslıq üzrə fəlsəfə doktoru, "CİZGİ" brendinin yaradıcısı, dizayner Gülnarə Xəlilovanın "İpəyin sehri" geyim kolleksiyası nümayiş etdiriləcək. Gülnarə Xəlilovanın yeni kolleksiyası kəlağayının dərin mənalarını müasir moda dilinin incə estetikası ilə birləşdirərək ipəyin ən parlaq və poetik çalarlarını üzə çıxarır. Geyimlərdəki hər bir naxış, rəng keçidi kəlağayının qadın taleyi, mədəni yaddaş və milli kimliklə bağlılığını göstərir. Burada həmçinin Azərbaycan Milli Xalça Muzeyinin kolleksiyasından seçilmiş tarixi və müasir kəlağayılar təqdim olunacaq, muzeyin əməkdaşları tərəfindən kəlağayının hazırlanması üzrə ustad dərsi keçiriləcək. Kəlağayının əsrlər boyu daşıdığı ruhu bu günün yaradıcı enerjisi, estetik baxışı və düşüncə tərzi ilə harmonik şəkildə bir araya gətirən təqdimat qədim irsimizin yalnız keçmişə aid mədəni miras deyil, daim inkişaf edən, yeni məna qazanan sənət dili olduğunu bir daha göstərəcək. Layihə Azərbaycan Respublikası Mədəniyyət Nazirliyinin dəstəyi, Azərbaycan Milli Xalça Muzeyi və "Gulnara Khalilova" moda evinin əməkdaşlığı ilə baş tutacaq.
2025-11-21 17:45:00
Mədəniyyət Nazirliyi Mədəniyyət üzrə Elmi-Metodiki və İxtisasartırma Mərkəzinin (MEMİM) "Regionlarda peşəkar teatr dərsləri" layihəsi davam edir. Layihə çərçivəsində növbəti ustad dərsi 24-30 noyabr tarixlərində Mingəçevir Dövlət Dram Teatrında təşkil olunacaq.
2025-11-21 16:55:00
Noyabr ayının 18-də "Azərxalça" ASC, Azərbaycanın Albaniyadakı səfirliyi və Tirana İncəsənət Qalereyasının birgə təşkilatçılığı, Tirana Şəhər Bələdiyyəsinin dəstəyi ilə Tirana İncəsənət Qalereyasında (Tirana Art Gallery) Azərbaycan xalçalarının Avropada növbəti sərgisi baş tutub. Sərgi Azərbaycanın ənənəvi xalçaçılıq sənətinin Azərbaycan Respublikasının Birinci vitse-prezidenti Mehriban xanım Əliyevanın bilavasitə təşəbbüsü və dəstəyilə UNESCO-nun Qeyri-maddi mədəni irs üzrə Reprezentativ Siyahısına daxil edilməsinin 15 illiyinə həsr olunub. Növbəti gün, noyabr ayının 19-da isə müxtəlif təhsil ocaqlarının incəsənət fakultələri tələbələrinin Azərbaycanlı rəssamlarla görüşü, ustad dərsləri baş tutub.
2025-11-21 12:33:00
Circus Sea Breeze 13 dekabr - 11 yanvar tarixlərində Azərbaycanda ilk dəfə olaraq orijinal Çin sirkini təqdim edir.
2025-11-20 20:08:00
Bakının Sabunçu rayonunda şəhid məzarlarından oğurluq edən şəxslər saxlanılıb.
2025-11-20 15:42:00
Mədəniyyət Nazirliyi Mədəniyyət üzrə Elmi-Metodiki və İxtisasartırma Mərkəzinin Xalq şairi Nəbi Xəzrinin 100 illiyi münasibətilə təşkil etdiyi "Poeziya Xəzrisi" Respublika bədii qiraət müsabiqəsinin yekun mərhələsi keçirilib.
2025-11-20 13:33:00
Gəncədə noyabrın 7-də baş vermiş dəhşətli qətlin təfərrüatları gün üzünə çıxır.
2025-11-19 23:46:00
Ötən ilin yayında Şabranda evə basqın edən şəxslərin ər-arvad Arif Hüseynov və Gülnarə Hüseynovanı qətlə yetirməsi gündəm olmuşdu. Hadisəyə görə şübhəli şəxs kimi 1978-ci il təvəllüdlü Murad Məmmədov və 42 yaşlı Elçin Fərzəliyev saxlanılmışdı.
2025-11-19 17:56:00
Xalq artisti Roza Cəlilova "Qurd qapısı" qəbiristanlığında dəfn edilib.
2025-11-19 14:20:00
Xalq artisti, rəqqasə Roza Cəlilova ilə Təzə Pir məscidində vida mərasimi keçirilir.
2025-11-19 14:00:00
Bank kartlarına müdaxilə hallarına qarşı vətəndaşlara vacib xəbərdarlıq edilib.
2025-11-19 13:32:00
Xalq artisti Roza Cəlilovanın dəfn yeri ilə bağlı dəyişiklik edilib.
2025-11-19 11:05:00
Xəbər verdiyimiz kimi, Azərbaycan rəqs sənətinin əfsanəsi, xalq artisti, "Şöhrət" və "Şərəf" ordenli böyük rəqqasə Roza (Rozaliya) İsmayıl qızı Cəlilova 97 yaşında vəfat edib. Sənətkar Bakının Səbail rayonunda yaşadığı evdə dünyasını dəyişib. O, həkimə çatdırılmadan əvvəl həyatını itirib.
2025-11-19 10:16:00
Xalq artisti, 97 yaşlı rəqqasə Roza Cəlilova vəfat edib
2025-11-19 01:16:00
15 yaşlı yeniyetmə bıçaqlanaraq qətlə yetirilib.
2025-11-19 00:56:00
Noyabrın 18-də Azərbaycan Dövlət Akademik Musiqili Teatrında Xalq yazıçısı Kamal Abdullanın eyniadlı pyesinin motivləri əsasında səhnələşdirilən "Gülçöhrə və Əsgər" tamaşasının premyerası olub. Tədbirdə Heydər Əliyev Fondunun vitse-prezidenti, IDEA İctimai Birliyinin təsisçisi və rəhbəri Leyla Əliyeva, Arzu Əliyeva və Alena Əliyeva iştirak edib, tamaşanı izləyiblər.
2025-11-19 00:29:00
Noyabrın 18-də "LIBRAFF" kitab mağazaları şəbəkəsinin "Park Akademiya" filialında Səbinə Əliyeva, Hüzurə Ağayeva və Gülarə Əmirovanın həmmüəllifi olduqları "Azərbaycan dilini öyrənirik" kitabının təqdimat mərasimi keçirilib.
2025-11-18 23:00:00
Xəbər verdiyimiz kimi, Şuşa Dövlət Musiqili Dram Teatrının direktoru, Əməkdar artist Yadigar Muradov vəfat edib.
2025-11-18 19:12:00
Azərbaycan Respublikası Mədəniyyət Nazirliyi, Naxçıvan Muxtar Respublikası Mədəniyyət Nazirliyi və Azərbaycan Dövlət Uşaq Filarmoniyasının dəstəyi ilə dostluq konserti baş tutub. Konsertin açılışında pianoçu, Azərbaycan Dövlət Uşaq Filarmoniyasının direktoru Səidə Tağı-zadə səhnəyə çıxaraq qonaqları salamlayıb, tədbirin əhəmiyyətindən danışıb və hər iki filarmoniya arasında yaradıcı əməkdaşlığın vacibliyini vurğulayıb. Ardınca Naxçıvan Dövlət Uşaq Filarmoniyasının direktoru Yaqut Quliyeva səhnəyə dəvət olunaraq bu tədbirin həm mədəni, həm də maarifləndirici dəyərinə toxunub, təşkilatçılara və ev sahibinə təşəkkürünü bildirib. O, NDUF-nın yaranmasından, fəaliyyətindən, yetirmələrndən söz açıb. Qeyd edək ki, NDUF 2010-cu ildən fəaliyyət göstərir. Konsertdə Naxçıvan Dövlət Uşaq Filarmoniyası və Azərbaycan Dövlət Uşaq Filarmoniyasının yaradıcı kollektivləri bir-birindən maraqlı və rəngarəng musiqi proqramları təqdim ediblər. Ölkədə yalnız Bakı və Naxçıvanda fəaliyyət göstərən Uşaq Filarmoniyaları ilk dəfə olaraq birgə konsert proqramı ilə çıxış ediblər. Konsertin əsas məqsədi müəssisələr arasında qarşılıqlı yaradıcı əlaqə qurmaq, birgə layihələrin inkişafına şərait yaratmaq və gənc istedadların potensialını daha geniş auditoriyaya təqdim etməkdir. Proqram çərçivəsində Azərbaycan Dövlət Uşaq Filarmoniyasının Uşaq-Gənclər Rəqs Ansamblı (bədii rəhbər Quliyev Məhəmməd), vokal sinfi - solist Əlizadə Leyla (müəllim Aslanova Leyla), eləcə də Naxçıvan Dövlət Uşaq Filarmoniyasının rəqs qrupu (baletmeyster Bağırova Nurdan) və solistlər - Vəliyev Namiq, Hüseynov Məcid, Əkbərov Elxan, Hüseynquliyeva Məryəm, Əkbərov Yusif, Seyidova Rəbiyyə, Orucova Yağmur, Qulusoy Bilal çıxış ediblər. Tədbirin sonunda Naxçıvan Dövlət Uşaq Filarmoniyasının direktoru Yaqut Quliyeva yenidən səhnəyə çıxaraq hər iki qurumun kollektivinə, iştirakçılara və qonaqlara təşəkkürünü bildirib. O, Azərbaycan Dövlət Uşaq Filarmoniyasının direktoru Səidə Tağı-zadəni və filarmoniyanın direktor müavini Muradzadə Leylanı səhnəyə dəvət edərək göstərdikləri dəstəyə görə onlara xüsusi minnətdarlığını çatdırıb və hər ikisinə hədiyyələr təqdim edib. Daha sonra qonaqlar Naxçıvan Muxtar Respublikası Mədəniyyət Nazirliyinin sektor müdürü Lətifov Məhərrəm, Azərbaycan Respublikasının əməkdar artisti Nuriyyə Hüseynova və Sərxan Bünyadzadə səhnəyə dəvət olunaraq öz ürək sözlərini bölüşüblər. Konsert isə onların birlikdə "Yaşa Azərbaycan" mahnısını səsləndirməsi ilə möhtəşəm şəkildə tamamlanıb. Bu konsert iki qurum arasında yeni yaradıcı əməkdaşlıq körpüsünün qurulmasına, həmçinin uşaqların səhnə təcrübəsinin və yaradıcılıq imkanlarının daha da zənginləşməsinə töhfə verib. İnformasiya dəstəyi - Trend.Az, Day.Az, Son.az
2025-11-18 14:02:00
Beynəlxalq axtarışda olan Azərbaycan vətəndaşı Polşa ərazisində saxlanılıb.