İlham Əliyev: "Qoymayacağıq ki, bir daha düşmən başını qaldırsın"


Siyasət 27 Sen 2022 14:10:00 106 0

İlham Əliyev: "Qoymayacağıq ki, bir daha düşmən başını qaldırsın"

"Bu gün şəhidlərimizin əziz xatirəsini yad edərək, bir daha hər birimiz özünə söz verməlidir, vəd verməlidir, and içməlidir ki, biz müstəqilliyimizin keşiyində əbədi duracağıq, biz ərazi bütövlüyümüzün keşiyində əbədi duracağıq. Qoymayacağıq ki, bir daha düşmən başını qaldırsın, qoymayacağıq ki, bir daha bizim üçün təhdid yaratsın".

Son.az AZƏRTAC-a istinadən bildirir ki, bunu Prezident İlham Əliyev Füzuliyə səfəri zamanı deyib.

"Əgər bunu görsək, dərhal hərəkətə keçəcəyik. Əminəm ki, buna ehtiyac olmayacaq. Çünki ölkəmizin artan gücü, o cümlədən hərbi gücü müstəqilliyimizin, rahat həyatımızın təminatçısıdır, onun qarantıdır.

Bir daha şəhidlərimizə rəhmət diləyərək qeyd etməliyəm, bildirməliyəm ki, onların əziz xatirəsi Azərbaycan xalqının qəlbində əbədi yaşayacaqdır", - dövlət başçısı qeyd edib.

Son.az