Aşağı yoluxma səviyyəsinə malik ölkələrdən gələn və koronavirusa qarşı tam peyvənd olunmuş səyahətçilər noyabrın 1-dən etibarən Tailandın bir sıra regionlarına səfər edə biləcəklər.

Son.az aviatravel.az-a istinadən bildirir ki, turistlər üçün açıq elan edilən regionların sadalandığı müvafiq sənədi ölkənin Xarici İşlər Nazirliyi açıqlayıb.

Sənədə görə səyahətçilər paytaxt Banqkokdan savayı Krabi, Çonburi (Pattayya şəhəri, Banqlamunq, Siraça, Sattahip, Banqsaray rayonları və Siçanq adası), Çianqmay (eyniadlı şəhər, Doytao, Marin, Matanq rayonları), Trat (Çanq adası), Buriram (eyniadlı şəhər), Praçuapkhirikhan, Phanqnqa, Phuket, Ranonq, Rayond, Phetçaburi, Ley, Samutprakan, Suratthani (Samui, Phanqan və Tao adaları), Nonqkhay və Udonthani vilayətlərinə səfər edə biləcəklər.