“Dünya fəlakətə doğru gedən bir yoldadır”
Dünya 18 Sen 2021 09:36:00 95 0
BMT İqlim Dəyişikliyi üzrə Çərçivə Konvensiyasına dair yeni hesabatını təqdim edib. Sənəddə dünya ölkələrinin Paris anlaşmalarına uyğun olaraq, qlobal istiləşməni 2 dərəcədən aşağı səviyyədə saxlamaqdan çox uzaq olduğu bildirilib.
Son.az oxu.az-a istinadən xəbər verir ki, hesabatın açıqlanmasından sonra çıxış edən BMT sədri Antoniu Qutyerreş dünyanın 2.7 dərəcə istiləşməyə gedən fəlakətli bir yolda olduğunu bəyan edib. Onun sözlərinə görə, 2030-cu ilədək qlobal karbon qazı emissiyası 16% artacaq.
Qeyd edək ki, hazırda dünya üzrə atmosferə zərərli tullantıların 80%-i Böyük 20-lik ölkələrinin payına düşür.
Mənbə: milli.az