Goal.az "Football Espana"ya istinadən xəbər verir ki, 47 yaşlı mütəxəssis uelsli oyunçunun Madrid təmsilçisində qalmasını istəyib.

Fransalı məşqçi mətbuatda gedən yazılara baxmayaraq, Beyl ilə münasibətlərinin yaxşı olduğunu sözlərinə əlavə edib: "O, gedişi barədə danışmayıb. Qışda onun ayrılmasını xoş qarşılamıram. Beyl yayda komandada qaldı və bu, hamı üçün ən yaxşı qərar idi".

Qeyd edək ki, Qaret Bayllə Çinin Shanxai Senxua komandası maraqlanır. Real Madrid Beyli 2013-cü ilin yayında İngiltərənin Tottenham klubundan həmin dövr üçün rekord məbləğ sayılan 100 milyon avroya alıb. O, cari mövsümdə İspaniya təmsilçisinin heyətində iştirak etdiyi 7 oyunda 2 qol vurub və eyni sayda məhsuldar ötürmə verib.

Xatırladaq ki, Qaret Beylin kapitanı olduğu Uels yığması noyabrın 16-da AVRO-2020-nin seçmə mərhələsi çərçivəsində Azərbaycan millisinin qonağı olacaq.