İrandan İraqa zəvvarları daşıyan avtobus aşıb. 

"Report" "RİA Novosti"yə istinadən xəbər verir ki, bu barədə İranın Təcili Tibbi Yardım Xidmətinin rəhbəri Pirhüseyn Kulivand deyib. 

Onun sözlərinə görə, hadisə nəticəsində avtobusda olan 47 nəfərdən 30-u yaralanıb, onlar tibbi yardım göstərilməsi üçün İrana aparılıblar. Yaralananlardan 4-nün vəziyyətinin ağır olduğu bildirilir.

Hadisə İraqın Badra əyalətində baş verib. 

Avtobus zəvvarları İrandan İraqın Nəcəf şəhərinə aparırmış.