Bollywood Night: Fəxriyyə Xələfova və Faiq Ağayev jurnalistlərlə görüşəcəklər


Kriminal 20 Okt 2017 16:09:00 391 0

Bollywood Night: Fəxriyyə Xələfova və Faiq Ağayev jurnalistlərlə görüşəcəklər

Bazar ertəsi günü, 23 oktyabr saat 15.00-də AMİ Trend-də Bollywood Night iştirakçılarının mətbuat konfransı keçiriləcək. Tədbirdə Əməkdar İncəsənət Xadimi Fəxriyyə Xələfova, Xalq Artisti Faiq Ağayev, Full House Entertainment İdarəetmə Direktoru Dia Soun Xe, Azərbaycanın Hindistandakı Assosiasiyasının nümayəndələri, müğənnilər Fərhad Bakinsky, Fərid Həsənov, Kamran Həsənli, Kenul Kərimova, axşamın aparıcıları Narmina Ağasi, Samir Bayramlı və başqaları iştirak edəcəklər.

Son.az xəbər verir ki, Hindistanın Azərbaycandakı Assosiasiyasının (Indian Association Azerbaijan) dəstəyi ilə "Full House Entertainment" tərəfindən təşkil edilən möhtəşəm "Bollywood Night" bayramı noyabrın 11-də, saat 19:00-da Heydər Əliyev adına İdman Arenasında keçiriləcək.

"Bollywood Night" Azərbaycan və hind estrada ulduzlarının iştirakı ilə keçiriləcək, iki ölkənin ənənəvi geyimlərindən ibarət "Fashion Show" təqdim olunacaq. Gecədə Azərbaycanın əməkdar incəsənət xadimi, modelyer Fəxriyyə Xələfovanın kolleksiyası təqdim olunacaq.

Azərbaycan Televiziya və Radiosunun solisti, xalq artisti Faiq Ağayev Bollivudun Azərbaycanda ulduz səfiridir. Konsert proqramında Ceyhun Bakinski və başqaları iştirak edəcək.

Qonaqlar arasında "hind Madonnası" və "Hindistanın pop-musiqisinin kraliçası" adlandırılan hind estradasının ulduzu Alişa Çinay da var. Məşhur hind filmlərində hamı tərəfindən sevilən mahnıları məhz o ifa edir. Müğənni konsertdə özünün "Made in India", "Zoobie Zooby", "Mujhe Log Bole", "Raja Hindustani", "Sona Sona Roop Hai", "Kajra Re" xitlərini, "Disko rəqqası", "Oyna-oyna", "Cənab Hindistan" və başqa məşhur hind kinofilmlərindən mahnılar səsləndirəcək.

"Bollywood Night" Azərbaycan və Hindistan arasında diplomatik əlaqələrin qurulmasının 25-ci ildönümünə və Hindistanın müstəqilliyinin 70 illiyinə həsr olunub.

Qonaqlar üçün saat 17:00-dan 21:00-dək rəngarəng "Food & Shopping Festival" bayram yarmarkası da təşkil olunacaq. Yarmarkaya giriş yalnız biletlərlə mümkündür.