QMİ-nin hazırladığı “Moizələr və xütbələr” kitabı məscidlərə paylanılır
Sosial 05 Okt 2017 15:52:17 451 0
Aqil Şirinov: "Bu səpkili kitabların nəşri davam etdiriləcək"
Qafqaz Müsəlmanları İdarəsinin (QMİ) hazırladığı “Moizələr və xütbələr” adlı kitab məscidlərə paylanılır.
Bu barədə "Report"a İdarənin Fətva və moizələr şöbəsinin müdiri Aqil Şirinov məlumat verib.
O bildirib ki, yeni nəşr bütün məscidləri əhatə edəcək: "Məscidlərdə imamların əvvəlki xütbə kitabından istifadə etməsi qadağan edilməyib. Yeni nəşrdən istifadə olunması məcburi deyil, tövsiyə xarakterlidir".
A.Şirinov gələcəkdə daha bir xütbələr kitabının işlənəcəyini də bildirib: "Mövzu genişdir və gələcəkdə bu səpkili nəşrlər yenə olacaq. Budəfəki nəşrdə 52 mövzu əhatə olunubsa, hazırlanacaq yeni nəşrdə mövzular daha da geniş şəkildə işlənəcək".
Mənbə: report.az